+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Prezıdent tapsyrmasy: Basym jobalarǵa nesıe berý tetigi boıynsha 600 mlrd teńge bólinedi

2019 jylǵy 18 aqpan 15:31
Bólisińiz:
Prezıdent tapsyrmasy: Basym jobalarǵa nesıe berý tetigi boıynsha 600 mlrd teńge bólinedi

ASTANA. QazAqparat - Prezıdenttiń tapsyrmasy boıynsha elimizdegi AÓK óndirisin arttyrý, óńdeýshi ónerkásip pen kórsetiletin qyzmetterdi jetildirý, shaǵyn jáne orta bıznesti qoldaý úshin Ulttyq banktiń menshikti qarajatynyń jáne onyń basqarýyndaǵy qarajattyń esebinen 600 mlrd teńge bólinedi. Bul týraly QazAqparat tilshisi QR Ulttyq ekonomıka mınıstrligine silteme jasap habarlaıdy.

Aıta keterligi, 2018 jyldyń 23 qarashasynda Ulttyq ekonomıka vıtse-mınıstri Aıbatyr Jumaǵulov «Atameken» UKP, «QIDI» AQ basshylarymen birge «Atameken» UKP alańynda kásipkerler men jergilikti atqarýshy organdarǵa arnalǵan Basym jobalarǵa kredıt berý tetigi normalaryn túsindirgen bolatyn. Tetik Prezıdent Nursultan Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda aıtylǵan.

«EDB-ǵa basym jobalarǵa qoljetimdi nesıe berý mindetin sheshý úshin 600 mlrd teńgeden kem bolmaıtyn kólemde uzaqmerzimdik teńgeleı ótimdilikti qamtamasyz etý tapsyrmasy qabyldanǵan. Osyǵan baılanysty, 2018 jylǵy 19 qarashada № 820 «Qoljetimdi nesıe berý mindetin sheshý úshin uzaqmerzimdik teńgeleı ótimdilikti qamtamasyz etýdiń keıbir máseleleri týraly» Úkimet qaýlysy qabyldanǵan edi. Osylaısha, Ulttyq banktiń menshikti qarajatynyń jáne onyń basqarýyndaǵy qarajattyń esebinen 600 mlrd teńge bólinetin bolady», - delingen UEM habarlamasynda.

Qarajat merzim, aqylylyq jáne qaıtarym sharty boıynsha jarǵylyq kapıtaly 60 mlrd teńgeden kem bolmaıtyn bankterdiń oblıgatsııalaryn satyp alý jolymen beriledi. EDB-ǵa berilgen qarajat mynadaı maqsattardaǵy basym jobalardy qarjylandyrýǵa baǵyttalady:

- AÓK-tegi qaıta óńdeýge - 100 mlrd teńgege deıin;

- AÓK-tegi óndiriske - 100 mlrd teńgege deıin;

- óńdeýshi ónerkásip pen kórsetiletin qyzmetterge - 400 mlrd teńgege deıin.

Bul rette ShOB sýbektileri iske asyratyn jobalarǵa 100 mlrd teńgeden kem bolmaıtyn nesıe beriletin bolady.

Kredıtterdi bankter 15 paıyzdan aspaıtyn mólsherleme boıynsha usynady. Onyń 8 paıyzyn kásipker tólese, aıyrmasyn memleket sýbsıdııalamaq.

«Sýbsıdııalaý: aýyl sharýashylyǵy ónimderin qaıta óńdeý, óńdeýshi ónerkásip jáne kórsetiletin qyzmetter baǵyttary boıynsha, operatory «Damý» KDQ» AQ bolatyn, BJK-2020 memlekettik baǵdarlamasynyń sheńberinde júzege asyrylatyn bolady. Agroónerkásip keshenindegi óndiris jobalary boıynsha sýbsıdııalaý áreket etýdegi tetikter, ıaǵnı AÓK memlekettik baǵdarlamasy sheńberinde jergilikti atqarýshy organdar arqyly júzege asyrylady. Jobalardy iske asyrý EQJK naqty bir túri boıynsha tirkelgen taýarlar tobyna sáıkes oryndalatyn bolady», - delingen mınıstrliktiń habarlamasynda.

Nesıeleý EQJK naqty bir túri boıynsha tirkelgen taýarlar tizbesindegi birden kem emes taýar shyǵarý shartyna saı júzege asyrylady.

Taýar pozıtsııasyn irikteý kezinde jergilikti shıkizat pen óndiristiń bolýy, sondaı-aq ımporttyń azaıýy esepke alynǵan. Salalyq memlekettik organdar jáne uıymdar, «Atameken» UKP jáne «QIDI» AQ-men birlesken jumystardyń nátıjesinde 36 taýar tobynan, 65 EQJK jáne 365 taýar pozıtsııasynan turatyn basym jobalarǵa nesıe berýge arnalǵan taýarlardyń tizbesi jasalyp qoıǵan.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT