Prezıdent «Samuryq-Qazyna» basshysyna sońǵy múmkindik beretindigin aıtty
2022 jylǵy 21 qańtar 15:34

Prezıdent «Samuryq-Qazyna» basshysyna sońǵy múmkindik beretindigin aıtty

NUR-SULTAN. QazAqparat – Memleket basshysy Qasym-Jomart Toqaev Qazaqstannyń iri bıznes ókilderimen kezdesýinde «Samuryq-Qazyna» qorynyń basshysyna qatań talap qoıylǵanyn aıtty, dep habarlaıdy QazAqparat tilshisi.

«Qazir qor jumysy jabyq, bylaısha aıtqanda saıası mańyzy bar adamdar taǵaıyndalatyn alyp qurylym bolyp aldy. Satyp alýdyń tıimsiz júıesi, eńbek janjaldary, qyrýar shyǵyn, aıaqsyz qalatyn aýqymdy jobalar, kútip-ustaýǵa dep shamadan tys shyǵyn jumsaý. Osynsha máseleniń bári qoǵamnyń narazylyǵyn týǵyzady. Óıtkeni biz osy ýaqytqa deıin naqty munaı hımııasyn qura almadyq. Keńes zamanynda salynǵan zaýyttardy jóndep álekpiz. Al irgemizdegi Ózbekstan 2-3 zaýyt salyp úlgergen. Dırektorlar keńesiniń jáne táýelsiz dırektorlardyń róli kóp jaǵdaıda formaldy sıpatqa ıe. Qordy túbegeıli reformalaý týraly mindet júkteımin», - dedi Prezıdent.

Memleket basshysy ulttyq qordyń basshysyna qandaı shart qoıylǵanyn da ashyq aıtty.

«Men bul jóninde Satqalıevpen sóılestim, reformalaý mindetin eńsere almasa, jumystan ketedi. Onymen birge qordyń ózi de naryqtan ketýi múmkin», - dedi Qasym-Jomart Toqaev.


Uqsas jańalyqtar

Jańalyqtar

MURAǴAT