Prezıdent Reseı Úkimetiniń tóraǵasymen kezdesti

2022 jylǵy 28 qarasha, 22:02
Prezıdent Reseı Úkimetiniń tóraǵasymen kezdesti

MÁSKEÝ. QazAqparat - Prezıdent Qasym-Jomart Toqaev Reseı Úkimetiniń tóraǵasy Mıhaıl Mıshýstınmen kezdesti, dep habarlaıdy Aqorda.

Qasym-Jomart Toqaev Qazaqstan men Reseı arasyndaǵy ekijaqty yntymaqtastyqtyń qarqyndy damyp kele jatqanyn atap ótti. Onyń aıtýynsha, eki eldiń qarym-qatynastary saýda-ekonomıkalyq salada aıtarlyqtaı jetistikterge jetken.

«Biz Reseı Federatsııasymen aradaǵy yntymaqtastyqty baǵalaımyz. Búgingi sapar óte mazmundy boldy. Bul – meniń jáne Vladımır Vladımırovıchtiń pikiri. Biz meniń Máskeýge jasaǵan saparymnyń nátıjesine kóńilimiz tolatynyn bildirdik. Deklaratsııaǵa qol qoıyldy. Sonymen qatar biz saýda-ekonomıkalyq, ınvestıtsııalyq salalardaǵy ózara is-áreketterimizdiń ózekti máselelerin talqyladyq. Shekara mańy aýdandarynyń yntymaqtastyq forýmyn ashtyq. Jańa ǵana saýda-sattyqtyń basty kórsetkishteri atalyp ótti. Shyn máninde, byltyr taýar aınalymy 24,5 mıllıard dollardy qurady. Bıyl qazirdiń ózinde bul kórsetkishterge qol jetkizildi. Biraq jyldyń sońyna deıin áli de jańa sandar men jańa kórsetkishter paıda bolady», – dedi Memleket basshysy.
Qasym-Jomart Toqaev naqty nátıjelerge qol jetkizýge baǵyttalǵan belsendi ári tabysty jumysy úshin Mıhaıl Mıshýstınge alǵys aıtty. Óz kezeginde Mıhaıl Mıshýstın memleketter basshylary qol jetkizgen ýaǵdalastyqtardy naqty júzege asyrýǵa daıyn ekenin jetkizdi.


«Siz Qazaqstan Prezıdenti laýazymyna qaıta saılanǵannan keıingi alǵashqy saparyńyzdy Reseı Federatsııasyna jasaǵanyńyz mańyzdy. Bul reseılikter men qazaqstandyq seriktester arasyndaǵy kóp ǵasyrlyq dostyqqa negizdelgen baýyrlastyq, odaqtastyq qarym-qatynastyń odan ári nyǵaıa túsetinin kórsetedi. Jańa ǵana Kremlde Reseı Federatsııasynyń Prezıdenti Vladımır Pýtınmen kelissóz júrgizdińizder. Sizder búgin dıplomatııalyq qarym-qatynastyń ornaǵanyna 30 jyl tolýyna oraı birlesken Deklaratsııaǵa qol qoıdyńyzdar. Reseı men Qazaqstannyń yntymaqtastyǵyn nyǵaıtý jóninde strategııalyq sheshimder qabyldandy. Bizdiń, ıaǵnı eki el úkimetteriniń aldynda prezıdentterimiz kelisken ýaǵdalastyqtardy júzege asyrý mindeti tur», – dedi Reseı Úkimetiniń tóraǵasy.



Foto: akorda.kz








Uqsas jańalyqtar
Seriktester jańalyqtary

Jańalyqtar