+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Prezıdent pen Elbasy Abaı mereıtoıynyń resmı saltanatty ashylýyna qatysýda

2020 jylǵy 21 qańtar 15:02
Bólisińiz:
Prezıdent pen Elbasy Abaı mereıtoıynyń resmı saltanatty ashylýyna qatysýda

NUR-SULTAN. QazAqparat - Elordadaǵy «Astana Opera» opera jáne balet teatrynda QR Tuńǵysh Prezıdenti - Elbasy Nursultan Nazarbaev jáne Memleket basshysy Qasym-Jomart Toqaevtyń qatysýymen Abaıdyń 175 jyldyq mereıtoıynyń resmı ashylýyna arnalǵan saltanatty shara bastaldy, dep habarlaıdy QazAqparat tilshisi.

Uqsas jańalyqtar

Aıta keteıik, 2019 jyldyń mamyrynda QR Prezıdenti Qasym-Jomart Toqaevtyń 2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn joǵary uıymdastyrýshylyq jáne mazmundyq deńgeıde merekeleýdi qamtamasyz etý maqsatynda qaýlysy jaryq kórgen bolatyn. Qaýlyǵa sáıkes, Abaı mereıtoıyn daıyndaý jáne ótkizý jónindegi memlekettik komıssııa qurylyp, jalpyrespýblıkalyq jospar bekitildi.

Aldaǵy ýaqytta Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıin keshendi jańǵyrtý jóninde qajetti sharalar qabyldanyp, Nur-Sultan qalasynda Abaı Qunanbaıulynyń 175 jyldyq mereıtoıyna arnalǵan halyqaralyq ǵylymı-praktıkalyq konferentsııa ótkiziledi. Konferentsııa jumysyna Germanııanyń Gete ınstıtýtynan, Túrkııadan, Mońǵolııadan, Qytaıdan, Amerıkadan jáne Kanadadan, Tatarstan men Ázerbaıjan syndy ózge de memleketterden Abaıdyń shyǵarmashylyǵy men ómir jolyn zerttep júrgen zııalylar qatyspaq.

Abaıdyń 175 jyldyq mereıtoıyna arnalǵan sharalar QR Mádenıet jáne sport mınıstrliginiń 3 mlrd teńge kólemindegi jyldyq josparlanǵan qarjysy esebinen ótedi.

Aıta keterligi, QR Prezıdenti Qasym-Jomart Toqaevtyń 9 qańtarda jarııalanǵan «Abaı jáne HHІ ǵasyrdaǵy Qazaqstan» atty maqalasynda Abaı mereıtoıyna oraı halyqaralyq, respýblıkalyq jáne aımaqtyq deńgeıde 500-den astam is-shara uıymdastyrylatyndyǵy aıtylǵan. Onyń ishinde tamyz aıynda Semeı qalasynda UNESCO-men birlesip ótkiziletin «Abaı murasy jáne álemdik rýhanııat» atty halyqaralyq ǵylymı-praktıkalyq konferentsııa eń basty sharaǵa aınalady. Sondaı-aq, qazan aıynda Nur-Sultan qalasynda «Abaı jáne rýhanı jańǵyrý máseleleri» degen taqyrypta halyqaralyq konferentsııa ótedi. Bul jıyndarda Abaıdyń tulǵasy men murasy jan-jaqty zerdelenip, onyń shyǵarmashylyǵyn HHІ ǵasyrdaǵy jańa Qazaqstannyń ıgiligine paıdalanýǵa jol ashylady.

«Mańyzdy jobanyń biri – uly aqynnyń shyǵarmalaryn on tilge aýdaryp, basyp shyǵarý. Atap aıtqanda, Abaı eńbekteri aǵylshyn, arab, japon, ıspan, ıtalıan, qytaı, nemis, orys, túrik, frantsýz tilderine tárjimalanady. Aqynnyń ómiri, murasy, qazaq mádenıetin damytýdaǵy róli týraly birneshe derekti fılm jáne «Abaı» teleserıaly túsiriledi. Aqyn toıynan óner salasy da tys qalmaıdy. Respýblıkalyq jáne halyqaralyq deńgeıde teatr jáne mýzyka festıvalderi ótedi. Bıylǵy báıgeler Abaı shyǵarmashylyǵyna arnalady. Ádebıet jáne óner salasyndaǵy úzdik shyǵarmalarǵa beriletin memlekettik syılyq endi Abaı atyndaǵy memlekettik syılyq dep atalatyn bolady», - dep jazǵan edi Memleket basshysy.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT