Prezıdent «Otan Ana» monýmentine gúl shoǵyn qoıý rásimine qatysty
2022 jylǵy 9 mamyr 12:16

Prezıdent «Otan Ana» monýmentine gúl shoǵyn qoıý rásimine qatysty

NUR-SULTAN. QazAqparat - Memleket basshysy Qasym-Jomart Toqaev «Otan Ana» monýmentine gúl shoǵyn qoıyp, Uly Otan soǵysy jyldarynda qaza bolǵan qazaqstandyq jaýyngerlerdiń rýhyna taǵzym etti. QazAqparat bul týraly Aqordaǵa silteme jasap habarlaıdy.

«Sodan keıin Respýblıkalyq gvardııanyń orkestri Memlekettik ánurandy oryndady, Qurmetti qaraýyl rotasy Qarýly Kúshterdiń Joǵarǵy Bas qolbasshysynyń, Uly Otan soǵysynyń ardagerleri men tyl eńbekkerleriniń aldynan saltanatty sherýmen júrip ótti.

Rásim sońynda Qasym-Jomart Toqaev ardagerlermen áńgimelesti. Prezıdent olardy Jeńis kúnimen quttyqtap, barsha qazaqstandyqtarǵa zor densaýlyq, baqyt, ashyq aspan tiledi», - delingen taratylǵan málimette.


Jańalyqtar

Úrdis

MURAǴAT