Prezıdent: «Nur Otan»-dy basqarý sheshimi partııany transformatsııalaý nıetinen týyndady
2022 jylǵy 28 qańtar 15:55

Prezıdent: «Nur Otan»-dy basqarý sheshimi partııany transformatsııalaý nıetinen týyndady

NUR-SULTAN. QazAqparat – «Nur Otan» partııasyn basqarý usynysyn onyń jumysyn transformatsııalaý týraly sheshim aıasynda qabyldadym. Partııanyń kezekten tys HHІ sezinde QR Prezıdenti Qasym-Jomart Toqaev osyndaı pikir bildirdi, dep habarlaıdy QazAqparat tilshisi.

«Elimiz óz damýynyń óte kúrdeli kezeńine aıaq basqanyn túsine otyryp, men «Nur Otan» partııasyn basqarý usynysyn rızashylyqpen qabyldaımyn. Bul sheshim partııany transformatsııalaý jáne búkil qoǵamdy toptastyrý jónindegi jumysqa kirisýge daıyndyqtan týyndady», - dedi Memleket basshysy.

Sondaı-aq, ol Memleket basshysy retinde adal saıası básekelestikke kepil bolatynyn málimdedi.

«Bul rette men Memleket basshysy retinde ashyq ári adal saıası básekelestiktiń kepili bolamyn. Meniń konstıtýtsııalyq mindetim – bıliktiń barlyq tarmaǵynyń kelisip áreket etýin jáne memlekettik organdardyń halyq aldyndaǵy jaýapkershiligin qamtamasyz etý», - dedi Prezıdent.

Aıta keteıik, «Qasym-Jomart Toqaev «Nur Otan» partııasynyń Tóraǵasy bolyp saılandy.


Jańalyqtar

MURAǴAT