Prezıdent  Májilistegi «Nur Otan» fraktsııasynyń negizgi mindetin atady
2022 jylǵy 28 qańtar 16:17

Prezıdent  Májilistegi «Nur Otan» fraktsııasynyń negizgi mindetin atady

NUR-SULTAN. QazAqparat – Májilistegi «Nur Otan» partııalyq fraktsııasyn qaıta júkteý kerek. Bul týraly «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

Prezıdent aldaǵy reformalardy zańnamalyq sapaly qamtamasyz etý úshin Májilistegi partııalyq fraktsııany qaıta júkteý qajet ekenin atap ótti. Fraktsııa músheleri formalızmnen aýlaq bolyp, qoǵam ókilderimen kóbirek qarym-qatynasta bolýy tıis.

Osy oraıda Memleket basshysy depýtattar tikeleı mindeti aıasynda ózekti problemalardyń mán-jaıyn jetkilikti túsinip, partııanyń ustanymyn tyńǵylyqty túsindirip, qorǵaýy kerek ekenin, sondaı-aq ashyq popýlızmge salynbaýy mańyzdy ekenin qadap aıtty.

«Saılaýshylarmen tikeleı dıalog qurý, turaqty túrde azamattarmen kezdesý asa mańyzdy, osy oraıda shalǵaıdaǵy aýyldarǵa barý kerek», - dedi Qasym-Jomart Toqaev.

Bul turǵyda Prezıdent Parlamentte depýtattar joldaıtyn saýaldardyń mazmuny naqty máseleni qamtyp, turǵyndar problemasyn kórsetýi kerek ekenin aıtty.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter -degi paraqshasynda jarııalanýda.



Avtor:
Tilshi

Jańalyqtar

MURAǴAT