Jańalyqtar  >

Prezıdent Marııa Mýdrıak pen Imanbektiń ónerin úlgi etti

2022 jylǵy 5 qazan, 16:54
Prezıdent Marııa Mýdrıak pen Imanbektiń ónerin úlgi etti

ASTANA. QazAqparat – QR Prezıdenti Qasym-Jomart Toqaev ulttyq mádenıetimizdi shetelde ulyqtap júrgen pavlodarlyq mádenı tolqyn ókilderin atady, dep habarlaıdy QazAqparat tilshisi.

«Bizdiń elimizdiń kúshi adamdarda, olardyń energııasynda, biliminde jáne otansúıgishtiginde jatyr. Dál sondyqtan, adamılyq – bizdiń memlekettik saıasatymyzdyń negizgi ólshemine aınaldy. Biz qarapaıym adamnyń múddelerine, jahandyq aýqymda tartymdy eldiń jańa beınesin qalyptastyrýǵa erekshe nazar aýdarýymyz kerek», - dedi Memleket basshysy Pavlodar oblysy jurtshylyǵymen kezdesýi barysynda.

Prezıdent ulttyq mádenıetimizdi shetelde ulyqtaýda Pavlodar oblysynan shyqqan jańa qazaqstandyq «mádenı tolqyn» ókilderi zor úles qosyp kele jatqanyna aıryqsha toqtaldy.

«Klassıkalyq ónerdi ardaqtaıtyndar Marııa Mýdrıaktyń Eýropanyń eń úzdik opera sahnalarynda arııalardy oryndaıtyn daýysynan lázzat alady. «Gremmı» ıegeri Imanbek Zeıkenovtyń tanymal mýzykasy búkil álem jastaryn tánti etip júr. Óz býynynyń daryndy ókilderi bola otyryp, olar bizdiń mádenıetimizdiń sheteldegi tabysty kórnekti elshisine aınaldy», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar