Prezıdent Mańǵystaý oblysynyń ákimin qabyldady
2022 jylǵy 16 tamyz 17:15

Prezıdent Mańǵystaý oblysynyń ákimin qabyldady

NUR-SULTAN. QazAqparat - Prezıdent Qasym-Jomart Toqaev Mańǵystaý oblysynyń ákimi Nurlan Noǵaevty qabyldady, dep habarlaıdy Aqorda.

Qasym-Jomart Toqaevqa Mańǵystaý oblysynyń áleýmettik-ekonomıkalyq damýy men bıylǵy 7 aıda atqarylǵan jumystyń qorytyndylary týraly baıandaldy.

Oblys ákiminiń málimetine sáıkes óńirdegi ózekti máseleniń biri – sý qorymen, sonyń ishinde aýyz sýmen qamtamasyz etý. Atap aıtqanda «Astrahan – Mańǵyshlaq» sýqubyry arqyly keletin jáne basqa da sý tuytý qorlarynan alynatyn sý mólsheri mamyr aıynan bastap qyrkúıektiń sońyna deıingi aralyqta tutynýshylardyń qajettiligin tolyq óteı almaı kelgen.

Nurlan Noǵaev Memleket basshysynyń Mańǵystaý óńirine barǵan saparynda oblystaǵy aýyz sý máselesin sheshý týraly tapsyrmasyna sáıkes atqarylǵan jumys nátıjelerin jetkizdi. Qazir «Qarajanbas» ken ornynda táýligine 17 myń tekshe metr sý tuytatyn qondyrǵylar iske qosylyp, osy baǵyttaǵy birqatar máseleniń sheshimi tabylǵan. Aqtaý qalasyndaǵy sý tuytý zaýytynda jyl sońyna deıin 20 myń tekshe metr sýdy tazartatyn qondyrǵy iske qosylý kerek bolsa, sonyń 5 myń tekshe metri qazirdiń ózinde tuytylyp berilip jatqany aıtyldy. Oblys ákiminiń aıtýynsha, jeke ınvestıtsııalar esebinen taza sý kólemi áli de ulǵaıtylady.

Qasym-Jomart Toqaevqa aýylsharýashylyǵy salasynda oń ózgerister týraly baıandaldy. Mańǵystaý oblysynyń ákiminiń málimetterine qaraǵanda byltyrǵy qýańshylyqtan keıin Úkimet pen jergilikti atqarýshy organnyń birlesip atqarǵan sharalarynyń jáne bıyl molynan túsken jaýynnyń arqasynda sharýalardyń jem-shóp daıyndaý jumystarynda qıyndyq joq.

Óńir basshysy oblysta otandyq jáne sheteldik týrıster sanynyń artqanyn jetkizdi.

Kezdesý sońynda Prezıdent atalǵan baǵyttar boıynsha jumystardy odan ári jetildirip, oblystaǵy turaqty áleýmettik-ekonomıkalyq damýdy qamtamasyz etýdi tapsyrdy.

Foto: akorda.kz


Uqsas jańalyqtar
Seriktester jańalyqtary

Jańalyqtar

Úrdis

MURAǴAT