Prezıdent Maǵzum Myrzaǵalıevke birqatar tapsyrma berdi
2022 jylǵy 4 shilde 14:29

Prezıdent Maǵzum Myrzaǵalıevke birqatar tapsyrma berdi

NUR-SULTAN. QazAqparat - Prezıdent Qasym-Jomart Toqaev «QazMunaıGaz» UK AQ basqarma tóraǵasy Maǵzum Myrzaǵalıevti qabyldady, dep habarlaıdy Aqorda.

Memleket basshysyna «QazMunaıGaz» kompanııasynyń munaı-gaz hımııasy salasynda júzege asyryp jatqan jobalary jóninde aqparat berildi. Qazirgi ýaqytta Atyraý oblysyndaǵy polıpropılen shyǵaratyn zaýytty iske qosý jumystary aıaqtalyp keledi. Bul óndiris orny bıylǵy tamyz aıynda iske qosylady dep josparlanyp otyr. Prezıdentke polıetılen jáne býtadıen óndirisine qatysty jobalardyń júzege asyrylý barysy baıandaldy. Maǵzum Myrzaǵalıev Qasym-Jomart Toqaevqa «Ózenmunaıgaz» aktsıonerlik qoǵamynyń qazirgi jaǵdaıy men damý perspektıvalary, sondaı-aq Mańǵystaý oblysynda áleýmettik turaqtylyqty saqtaý úshin júrgizilip jatqan jumystar jóninde esep berdi.

Onyń aıtýynsha, áleýmettik-eńbek qatynastaryna qatysty máselelerdi sheshý, sondaı-aq «QazMunaıGaz» kompanııasynyń enshiles uıymdary qyzmetiniń máseleleri boıynsha jeke jáne zańdy tulǵalardyń ótinishterin qabyldaý maqsatymen Aqtaýda ulttyq kompanııanyń ókildigi ashylǵan. Sonymen qatar Jańaózende balalarǵa bilim berý sapasyn arttyrý jobasy iske asyrylyp jatyr, oqýshylar saraıy men sport alańdarynyń qurylysy júrgizilýde. «QazMunaıGaz» basshysy Prezıdentke kompanııanyń sheteldik aktıvterin damytý perspektıvalary jóninde baıandady.

Memleket basshysy ınvestıtsııalyq jobalardy ýaqytyly iske asyrý jáne áleýmettik turaqtylyqty qamtamasyz etý jumystaryn jalǵastyrý jóninde birqatar tapsyrma berdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT