Prezıdent qoǵam úshin múldem jańa kúntártibin belgiledi – Memlekettik hatshy
2022 jylǵy 19 qańtar 11:27

Prezıdent qoǵam úshin múldem jańa kúntártibin belgiledi – Memlekettik hatshy

NUR-SULTAN. QazAqparat – QR Prezıdenti qoǵam úshin múldem jańa kúntártibin belgilep berdi. Bul týraly QR Memlekettik hatshysy Erlan Qarın málim etti, dep habarlaıdy QazAqparat tilshisi.

«Qabyldanǵan kúsh-jigerdiń, is-sharalardyń arqasynda ahýal qysqa ǵana ýaqyttyń ishinde turaqtandy. Qazirgi ýaqytta tótenshe jaǵdaı rejımi alyndy. Biraq, taǵy qaıtalap aıtamyn, birqatar óńirde lańkesterge qarsy operatsııa rejımi saqtalady. Degenmen, tolyqtaı alǵanda eldegi ahýal turaqtandy. Jaǵdaı qaýipsizdik, qoǵamdyq tártip turǵysynan ǵana emes, aqparattyq alań turǵysynan da turaqtanyp otyr. Bul rette Prezıdenttiń qoǵam úshin múldem jańa kúntártibin – jańa Qazaqstanda qurýǵa birlese qatysýdy belgileýi óte mańyzdy ról oınady. Ol barlyq jaýapkershiligi bar kúshterdi, belsendi azamattary úlken jasampazdyq protsesine birge qatysýǵa shaqyrýdy qamtıdy», - dedi Memlekettik hatshy «Habar 24» telearnasyna bergen suhbatynda.

Erlan Qarınniń atap ótýinshe, Memleket basshysynyń taıaýda Parlamenttegi sóılegen sózinde usynǵan reformalar toptamasyz iske asyrý úshin úlken jumys atqarý qajet. Al bul reformalardy iske asyrý basty faktor men jaǵdaıǵa – shoǵyrlaný men birlese áreket etý qabiletine baılanysty bolmaq.

«Endigi ýaqytta bul lepirme, tebirenisti sózder emes. Bul damýdyń sapaly jańa deńgeıine shyǵýymyz úshin qazirgi ýaqyttaǵy qajettilik. Qazir naqty pikirtalas qajet. Óıtkeni, shyndyqtan ajyrap qalǵan demagogııanyń beleń alǵany baıqalady. Teńgerimdi qadam bolýy tıis. Bizge durys mazmunǵa baǵdarlaný qajet. Radıkaldy qurylymdarmen, uıymdarmen, lańkestermen kúrespen qatar radıkaldy ıdeologııamen, rıtorıkamen de kúres bolýy tıis. Sonda biz bul ahýaldy eńserip, elimizdiń damýynda sapaly deńgeıge shyǵamyz», - dedi Erlan Qarın.


Jańalyqtar

MURAǴAT