+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Prezıdent: Qazaqstan jaıylym jerleriniń 40 paıyzyn ǵana kádege jaratyp otyr

2019 jylǵy 17 qyrkúıek 17:21
Bólisińiz:
Prezıdent: Qazaqstan jaıylym jerleriniń 40 paıyzyn ǵana kádege jaratyp otyr

PETROPAVL. QazAqparat – Qazaqstan Prezıdenti Qasym-Jomart Toqaev aýyl sharýashylyǵy salasyna zamanaýı agrotehnologııalar men ınnovatsııalardy belsendi túrde engizý qajettigin málim etti, dep habarlaıdy QazAqparat Aqordanyń Twitter paraqshasyna silteme jasap.

Uqsas jańalyqtar
Ábish Kekilbaıuly qara sózdiń qudireti arqyly eldiń namysyn oıatyp, rýhyn kóterdi - Prezıdent Qazaqstan-Reseı memlekettik shekarasyn kesip ótý týraly kelisimge ózgerister engizildi Prezıdent: Ábish Kekilbaıuly - táýelsizdigimizdi nyǵaıtýǵa atsalysqan asa kórnekti qaıratker

Jumys saparymen Soltústik Qazaqstan óńirin aralap júrgen Prezıdent tyńaıtqyshtar men aýyl sharýashylyǵyna qajetti hımııalyq ónimderdiń otandyq óndirisin damytýdy másele etip kóterdi. Prezıdenttiń aıtýynsha, bul jumysty sheteldik ınvestorlardy tartý arqyly júzege asyrý kerek. Memleket basshysy óz sózinde Qazaqstan aýmaǵynda tyńaıtqyshtar men pestıtsıdterdi shyǵaratyn lıtsenzııalyq zaýyt salý usynysyn kóterý kerektigin atap ótti.

«Aýyl sharýashylyǵy jerleri ishinara túgendelip, paıdalanylmaı jatqan 16,5 mln ga aýmaq anyqtaldy. Úkimet barlyq aýyl sharýashylyǵy ıgiligindeni jerlerdi anyqtap, jer kadastrynyń aqparattyq júıesin tsıfrlandyrýy kerek. Sonymen qatar, túrli baǵyttaǵy et klasterlerin damytý qajet. Atap aıtqanda, qoı sharýashylyǵyn, sút óndirýdi jáne qus sharýashylyǵyn órkendetýge tıispiz. Sút ónimi men qus etin óndirýdi eki ese arttyrsaq, búgin biz ımporttap otyrǵan qosymsha 500 mln dollar ónimin alýǵa bolady», - dep jazdy Prezıdent Tvıtterdegi paraqshasynda.

Prezıdenttiń paıymdaýynsha, mal sharýashylyǵyn damytý maqsatynda jaıylym jerlerdi keńeıtken jón.

«Jaıylym jerleriniń keńdigi boıynsha Qazaqstan álemdegi bes eldiń qataryna kire tura onyń 40 paıyzyn ǵana paıdaǵa jaratyp otyr. Fermerler úshin mundaı jerlerdi berý mehanızmin jetildirip, jeńildetý kerek», - dedi Memleket basshysy.

Memleket basshysy óz paraqshasynda syrt jaıylymdardy ıgerý máselesin kóterdi.

«Jeke sharýalar úshin qudyq nemese uńǵyma qazyp kómektesý kerek.Úkimet pen ákimder aldaǵy 10 jylda qosymsha 50 mln ga jaıylymdy aınalymǵa engizýi kerek», - dedi ol.

Eske sala ketsek, Memleket basshysy Qasym-Jomart Toqaev jumys saparymen Soltústik Qazaqstan oblysyn aralap júr. Memleket basshysy oblystyń birqatar aýyl sharýashylyǵy men ındýstrııalyq nysandarynda bolyp, agroónerkásip keshenin damytý máseleleri jóninde respýblıkalyq keńes ótkizdi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT