+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Prezıdent Qaraǵandyda elimizdiń ındýstrııalyq-ınnovatsııalyq damýy jóninde keńes ótkizdi

2019 jylǵy 23 tamyz 18:25
Bólisińiz:
Prezıdent Qaraǵandyda elimizdiń ındýstrııalyq-ınnovatsııalyq damýy jóninde keńes ótkizdi

NUR-SULTAN. QazAqparat – Memleket basshysy Qasym-Jomart Toqaev Qaraǵandyda elimizdiń ındýstrııalyq-ınnovatsııalyq damýy jóninde keńes ótkizdi, dep habarlaıdy Aqorda.

Uqsas jańalyqtar
Natalıa Godýnova Prezıdentke bıýdjet jobasyn baǵalaý jóninde baıandady Qazaqstan Prezıdenti on memlekettiń elshilerinen senim gramotasyn qabyldady Smaǵul Elýbaı: Prezıdent asharshylyq týraly fılm túsirý ıdeıasyn quptady

Jıyndy ashqan Memleket basshysy Qazaqstanǵa jahandyq, ásirese óńirlik naryqta tabysty básekege qabiletti, qýatty ári tehnologııalyq turǵydan progressıvti ónerkásip qajet ekenin atap ótti.

«Biz álemdik konıýnktýranyń nasharlaǵan jaǵdaıynda básekeniń artqanyn, saýda qaqtyǵystarynyń shıeleniskenin, jalpy jahandyq qarama-qaıshylyqtardy baqylap otyrmyz. Biz kórip otyrǵandaı, álem bir ornynda turmaıdy. Sondyqtan, biz ýaqyttan qalyp qoımaýymyz qajet», – dedi Qasym-Jomart Toqaev.


Prezıdent memlekettik organdar men bıznes ókilderi kezdesýiniń maqsaty ekonomıkadaǵy qurylymdyq ózgeristerdi tabysty iske asyrý úshin sheshýge tıisti máselelerdi talqylaý ekenin aıtty.

«Indýstrııalandyrý jyldary tartylǵan ınvestıtsııa kólemi 8 trıllıon teńge bolatyn 1 250 jańa ónerkásip oryndary paıda boldy. 120 myń jańa jumys oryndary ashylǵan. Qazaqstanda buryn óndirilmegen 500-den astam jańa ónim túrlerin shyǵarý jolǵa qoıyldy» dep, Memleket basshysy atqarylǵan jumystardyń qorytyndysyn shyǵardy:

Sonymen qatar, Qasym-Jomart Toqaevtyń baǵalaýy boıynsha ekonomıka qurylymynda túbegeıli ózgeris baıqalmaıdy. 10 jyldan astam ýaqyt boıy jalpy ishki ónimdegi óńdeý ónerkásibiniń úlesi 11 paıyzdyń aınalasynda. 2015-2018 jyldar aralyǵynda eńbek ónimdiliginiń ósimi josparlanǵan 12 paıyzdyń ornyna 4 paıyzǵa ǵana jetti.


Osyǵan baılanysty Prezıdent Úkimet pen ákimdikterdiń sheshýi tıis birqatar mindetterdi atap ótti.

Birinshi baǵyt – daıyn ónim eksportyn belsendi damytý. Baıandamada atap ótilgendeı, sońǵy 3 jyl ishinde eksporttyń jalpy qurylymynda óńdeý sektorynyń úlesi 34 paıyzdan 8 paıyzǵa, ıaǵnı 2016-2018 jyldary 26 paıyzǵa deıin tómendegen. Qazaqstan óńdeý ónerkásibiniń 180-ge jýyq taýar túrlerin eksporttaıdy. Bul kórsetkish Reseıde – 358, Belarýste – 690, Qytaıda – 1400, Ekonomıkalyq yntymaqtastyq jáne damý uıymy elderi boıynsha ortasha kórsetkish – 1950.

Memleket basshysy otandyq óndirýshilerdiń syrtqy naryqqa shyǵýyna serpin beretin birqatar naqty sharalardy usyndy. Onyń aıtýynsha, perspektıvti eksport naryqtaryna taldaý jasaý, osy naryqtarǵa shyǵý úshin kedendik salyqtardy, tarıftik jáne basqa da talaptardy zertteý, tıimdi kólik-logıstıkalyq sheshimderdi anyqtaý qajet.


Nazar aýdaratyn taǵy bir mańyzdy sala – sapaly marketıng. Qasym-Jomart Toqaev atap ótkendeı, jalpymemlekettik brend, al onyń bazasynda ınvestıtsııalyq, týrıstik jáne salalyq brendter qalyptastyrý jónindegi tapsyrma áli oryndalmaǵan. Prezıdenttiń aıtýynsha, mundaı ahýal otandyq ónim úshin shatyrly brendterdi qalyptastyrýda da baıqalady.

Memleket basshysy Úkimetke brend qalyptastyrý jónindegi jumystardy aıaqtaýǵa eki aı ýaqyt berdi.

Ekinshi baǵyt – «qarapaıym zattar ekonomıkasyn» damytý. «Elimizde biz maqtan tutatyn kóptegen taýar óndiristeri bar», – dep sanaıdy Qasym-Jomart Toqaev.


Otandyq óndirýshilerdi qoldaýǵa bólingen maqsatty 600 mıllıard teńge bıýrokratııalyq problemalarǵa baılanysty tıisti adresatyna jetpegen.

«Maǵan baıandalǵandaı, 16 tamyzdaǵy jaǵdaı boıynsha jalpy quny 62,3 mıllıard teńgeni quraıtyn 148 joba ǵana maquldanǵan», – dedi Prezıdent.

Qazaqstan Prezıdenti memleket retteıtin satyp alýlardyń jaǵdaıyn synǵa alyp, jyl saıyn munyń kólemi 10 trıllıon teńgeden asatynyn atap ótti. «Bul rette, Qazaqstannyń úlesi 34 paıyzdy qurap otyr. Bul durys emes. Biz onyń úlesin áldeqaıda arttyra alamyz», – dedi Qasym-Jomart Toqaev.

Memleket basshysy sóılegen sózinde ınvestıtsııa salasyndaǵy ahýalǵa jan-jaqty taldaý jasady. Atap aıtqanda, Qazaqstan Prezıdenti erkin ekonomıkalyq jáne ındýstrııalyq aımaqtar «ınvestıtsııa tartý oryndaryna» tolyqtaı aınala almaǵanyn atap ótti.


Sonymen qatar Prezıdent joǵary qaıta jasaý óndirisiniń, ındýstrııa 4.0 elementteri men ınnovatsııany damytýdyń, ındýstrııalandyrýǵa qoldaý kórsetý quraldarynyń tıimdiligin arttyrýdyń perspektıvalaryna toqtaldy.

«Jańa ekonomıkany qurý bazalyq salalardy ınnovatsııalyq jáne ǵylymı-tehnıkalyq turǵydan ilgeriletýge, sondaı-aq «bolashaq ekonomıkasynyń» salalaryn damytýǵa negizdelýge tıis», – dedi Memleket basshysy.

Jıyn barysynda Indýstrııa jáne ınfraqurylymdyq damý mınıstri Roman Sklıar, «Samuryq-Qazyna» UÁQ» AQ basqarmasynyń tóraǵasy Ahmetjan Esimov, «Evrazıan Fýds» AQ basqarmasynyń tóraǵasy Oleg Vınokýrov, Qaraǵandy oblysy Kásipkerler palatasynyń óńirlik keńesi janyndaǵy jeńil ónerkásip komıtetiniń tóraǵasy Andreı Shmarın, «Azala cotton» JShS bas dırektory Baýyrjan Jamalov, «Zerde» JShS bas dırektory Muhtar Bıtemirov, «Almaty ventılıat zaýyty» JShS bas dırektory Marat Baqqulov, «Qazenergokabel» AQ bas dırektory Vladımır Bobrov sóz sóıledi. Basqosýǵa Premer-Mınıstrdiń orynbasary Jeńis Qasymbek, Saýda jáne ıntegratsııa mınıstri Baqyt Sultanov ta qatysty.


Qasym-Jomart Toqaevtyń eskertpeleri men jıynǵa qatysýshylardyń usynystary ındýstrııalandyrýdyń úshinshi besjyldyǵynyń jobasyn jetildirý barysynda eskeriletin bolady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT