Prezıdent kadr rezerviniń múshesi Kazakh Tourism basqarma tóraǵasy bolyp taǵaıyndaldy
2021 jylǵy 29 jeltoqsan 11:05

Prezıdent kadr rezerviniń múshesi Kazakh Tourism basqarma tóraǵasy bolyp taǵaıyndaldy

NUR-SULTAN. QazAqparat - «Kazakh Tourism» ulttyq kompanııasy» aktsıonerlik qoǵamy dırektorlar keńesiniń sheshimimen basqarma tóraǵasy bolyp Talǵat Amanbaev taǵaıyndaldy, dep habarlaıdy QazAqparat.

Talǵat Joldymuratuly 1987 jyly Aqtóbe oblysynda dúnıege kelgen, Blýmıngtondaǵy Indıana ýnıversıtetinde «Bolashaq» prezıdenttik stıpendııasy boıynsha bilim alǵan.

Qazaq ekonomıka, qarjy jáne halyqaralyq saýda ýnıversıtetin bitirgen.

Prezıdenttik jastar kadr rezerviniń múshesi (2019 j.), «Altyn belgi» ıegeri.

2011-2012 jyldar aralyǵynda «QazAgroQarjy» AQ baǵdarlamalyq qamtamasyz etýdi ázirleý bóliminiń bas mamany bolyp jumys istedi.

2012-2013 jyldar aralyǵynda «KAIKO» JShS bas dırektorynyń orynbasary qyzmetin atqardy.

2013-2015 jyldar aralyǵynda «RVZ» RMK baǵdarlamalyq qamtamasyz etýdi ázirleý bóliminiń basshysy, IT bóliminiń jetekshisi qyzmetterin atqardy.

2015–2017 jyldary jeke kásipkerlikpen shuǵyldandy, «Grow IT» JShS bas dırektory qyzmetin atqardy.

«Kazakh Tourism» UK» AQ qurylǵan kúnnen bastap atalǵan kompanııada jumys istedi: 2017 jyly Tsıfrlandyrý departamentiniń dırektory, 2019 jyldan 2020 jylǵa deıin marketıng, kommýnıkatsııa jáne tsıfrlandyrý departamentiniń dırektory qyzmetinde boldy.

2020 jyldyń shildesinen bastap basqarýshy dırektory – basqarma múshesi qyzmetin atqardy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT