FÝTBOLDAN ÁLEM ChEMPIONATY-2022
  Jańalyqtar  >

Prezıdent: Geosaıası shıelenis pen sanktsııalyq teketires mádenı salada kórinis tabýda

2022 jylǵy 30 qyrkúıek, 11:55
Prezıdent: Geosaıası shıelenis pen sanktsııalyq teketires mádenı salada kórinis tabýda

ASTANA. QazAqparat – Geosaıası shıelenis pen sanktsııalyq teketires mádenı salada kórinis tabýda. Bul týraly Memleket basshysy Qasym-Jomart Toqaev Abaı oblysy jurtshylyǵymen kezdesýinde aıtty, dep habarlaıdy QazAqparat tilshisi.

«Eýrazııa qurlyǵynyń qaq ortasynda bola otyryp, qazirgi halyqaralyq jaǵdaıdaǵy ustanymymyzdy taǵy da atap ótkim keledi. Búginde álemde buryn-sońdy bolmaǵan geosaıası shıelenis baıqalady, shıelenis eń joǵary núktege jetti. Jersharynyń ártúrli bóligindegi saıasatkerler men sarapshylar ıadrolyq qarýdy qoldaný qaýpin qatty talqylap jatyr. Esterińizge sala keteıin, Semeı ıadrolyq polıgonyndaǵy sońǵy jarylystan beri 33 jylǵa jýyq ýaqyt ótti. Bul aımaqtyń turǵyndary qyrǵı-qabaq soǵys kezindegi ıadrolyq qarý jarysynyń barlyq aýyrtpalyqtaryn bastan ótkerdi. Jaqynda Men bul týraly Nıý-Iorktegi BUU-nyń bıik minberinen aıttym», - dedi Memleket basshysy.

QR Prezıdenti atom energııasy adamzattyń keremet jetistigi ekenin jáne ol halyqaralyq kúrestiń joıqyn quraly retinde emes, tek adamdar men elderdiń ıgiligi úshin jumys isteýi qajettigin basa aıtty.

«Táýelsizdiktiń jyldary ishinde Qazaqstan bul ustanymdy dáıekti túrde qorǵap keledi. Elimiz ymyra sheshimder izdeýge, qaýipsizdik pen senimdi nyǵaıtýǵa, jalpyǵa birdeı progreske qol jetkizýge baǵyttalǵan syndarly syrtqy saıası kún tártibin únemi usynady», - dedi Qasym-Jomart Toqaev.

Memleket basshysy qazirgi zamanǵy álemdik tártip kúshti daǵdarysty bastan keship jatqanyn aıtty.

«Odan adamzattyń bolashaǵy úshin jalpy jaýapkershilikti seziný, halyqaralyq quqyqtyń qalyptasqan qaǵıdattaryn saqtaý, memleketterdiń ózara múddelerin qurmetteý negizinde ǵana shyǵý múmkin bolady. Ókinishke oraı, qazir geosaıası shıelenis pen sanktsııalyq teketires mádenı salada kórinis tabýda«, - dedi QR Prezıdenti.


Foto : t.me/bort_01




Uqsas jańalyqtar
Seriktester jańalyqtary

Jańalyqtar