FÝTBOLDAN ÁLEM ChEMPIONATY-2022
  Jańalyqtar  >

Prezıdent: Bizdiń reformalarymyzdyń basty maqsaty - Ádiletti Qazaqstan qurý

2022 jylǵy 6 qazan, 17:03
Prezıdent: Bizdiń reformalarymyzdyń basty maqsaty - Ádiletti Qazaqstan qurý

ASTANA. QazAqparat – Bizdiń reformalarymyzdyń basty maqsaty - Ádiletti Qazaqstan qurý. Bul týraly búgin kandıdatýrany qoldaý jónindegi halyqtyq koalıtsııanyń forýmynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bizdiń reformalarymyzdyń basty maqsaty - Ádiletti Qazaqstan qurý. Kóp nárse jasaldy. Biraq biz osynaý qıyn joldyń tek basynda ǵana turmyz. Syndarly dıalogtyń arqasynda biz elimizdi saıası jańǵyrtýda úlken jetistikterge jettik», - dedi Memleket basshysy forýmda.

Prezıdent el azamattarynyń qoǵamdyq-saıası ómirge qatysýdyń jańa múmkindikterin úlken jigermen qabyldaǵanyn atap ótti.

«Ásirese jastardyń syndarly belsendiligi qýantady. Munyń bári júrgizilip jatqan ózgeristerdi keńinen áleýmettik qoldaý, adamdardyń ózgeristerdiń shynaıylyǵyna degen senimi dep aıtýǵa bolady. Alǵa qaraı jyljý úshin biz ótkennen sabaq alyp, bolashaqtyń beınesin naqty kórýimiz kerek», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar