+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Prezıdent birqatar memlekettiń basshylarymen telefon arqyly sóılesti

2021 jylǵy 13 mamyr 14:48
Bólisińiz:
Prezıdent birqatar memlekettiń basshylarymen telefon arqyly sóılesti

NUR-SULTAN. QazAqparat – QR Prezıdenti Qasym-Jomart Toqaev birqatar memlekettiń basshylarymen telefon arqyly sóılesti, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar
Mańǵystaýdaǵy gaz óńdeıtin zaýyttyń qural-jabdyqtarynyń 90 paıyzy tozǵan - Prezıdent Qasym-Jomart Toqaev Atyraý munaı óńdeý zaýytynyń jumysyn synǵa aldy Qasym-Jomart Toqaev gaz salasyn damytý jóninde keńes ótkizdi

Telefon arqyly áńgimelesý barysynda Qasym-Jomart Toqaev pen Ázerbaıjan, Qyrǵyzstan, Tájikstan, Túrikmenstan, Ózbekstan Prezıdentteri bir-birin qasıetti Oraza aıt merekesimen quttyqtady. Memleket basshysy baýyrlas halyqtarǵa jaqsylyq, baq-bereke tiledi.

Qyrǵyzstan Prezıdenti Sadyr Japarovpen sóılesý kezinde qazaq-qyrǵyz strategııalyq seriktestigin damytýdyń ózekti máseleleri talqylandy. Sadyr Japarovtyń bıylǵy 2-3 naýryz kúnderi Qazaqstanǵa jasaǵan memlekettik saparynyń qorytyndysy boıynsha qol jetkizilgen ýaǵdalastyqtardyń oryndalýyna erekshe nazar aýdaryldy.

Sonymen qatar taraptar Ortalyq Azııadaǵy beıbitshilik pen turaqtylyqty qamtamasyz etý isindegi tyǵyz yqpaldastyqty jalǵastyra berýge ýaǵdalasty. Qyrǵyz kóshbasshysy gýmanıtarlyq kómek kórsetkeni úshin Qasym-Jomart Toqaevqa alǵys bildirdi.

Prezıdent Emomalı Rahmonmen kelissóz barysynda Qasym-Jomart Toqaevtyń aldaǵy ýaqytta Tájikstanǵa jasaıtyn resmı saparynyń jaı-japsary qarastyryldy.

Prezıdentterdiń pikirinshe, Dýshanbede ótetin kelissózder qazaq-tájik yntymaqtastyǵynyń kókjıegin keńeıtýge múmkindik beredi jáne óńirlik yntymaqtastyqty jandandyrý jónindegi jańa qadamdardy belgileıdi.

Memleketaralyq baılanystardyń perspektıvalary da Qazaqstan men Túrikmenstan Prezıdentteri suhbatynyń negizgi taqyryby boldy.

Qasym-Jomart Toqaev pen Gýrbangýly Berdimuhamedov qazaq-túrikmen kópjosparly seriktestigin jańa ári sapaly deńgeıge jetkizýge beıildi ekenin naqtylady. Memleket basshylarynyń pikirinshe, buǵan Qazaqstan Prezıdentiniń aldaǵy ýaqytta Ashhabadqa jasaıtyn sapary aıtarlyqtaı septigin tıgizedi.

Memleket basshysynyń Ózbekstan Prezıdenti Shavkat Mırzıeevpen áńgimelesýi kezinde dostyq, tatý kórshilik jáne strategııalyq seriktestikke negizdelgen qazaq-ózbek qatynastarynyń joǵary deńgeıde ekeni aıtyldy.

Memleket basshylary saýda-ekonomıkalyq, ınvestıtsııalyq jáne mádenı-gýmanıtarlyq baılanystardyń damý qarqynyn saqtaý maqsatyndaǵy eki el úkimetteriniń yqpaldastyǵyn atap ótti. Qazaqstan men Ózbekstannyń kóshbasshylary Ortalyq Azııa óńirindegi ahýal men Aýǵanstan problemasy boıynsha pikir almasty.

Qasym-Jomart Toqaev Shavkat Mırzıeevti bıyl Qazaqstanǵa saparmen kelýge shaqyrdy.

Ázerbaıjan Prezıdenti Ilham Álıevpen áńgimelesý kezinde qazaq-ázerbaıjan yntymaqtastyǵynyń barlyq baǵytyna tyń serpin berý úshin áleýetti barynsha paıdalanýdyń mańyzdylyǵy aıtyldy.

Ózara saýda-sattyqty ulǵaıtýǵa, ekonomıkanyń negizgi salalaryndaǵy birlesken jobalardy iske asyrýǵa baǵyttalǵan sharalar qabyldaý týraly ýaǵdalastyqqa qol jetkizildi. Qasym-Jomart Toqaev Túrki keńesindegi Qazaqstannyń bastamalaryna qoldaý kórsetkeni úshin ázerbaıjandyq áriptesine rızashylyǵyn bildirdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT