+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Prezıdent Baǵdat Mýsınge birqatar naqty tapsyrma berdi

2021 jylǵy 24 shilde 15:18
Bólisińiz:
Prezıdent Baǵdat Mýsınge birqatar naqty tapsyrma berdi

NUR-SULTAN.QazAqparat – Memleket basshysy Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń esebin tyńdady, dep habarlaıdy QR Prezıdentiniń baspasóz hatshysy Berik Ýálıge silteme jasap.

Uqsas jańalyqtar

Qasym-Jomart Toqaevqa mınıstrliktiń bıylǵy birinshi jartyjyldyqtaǵy atqarǵan jumystary, memlekettik qyzmet kórsetý isin damytýdyń ózekti máseleleri, sondaı-aq, Prezıdenttiń Qazaqstan Respýblıkasy Úkimetiniń keńeıtilgen otyrysynda bergen tapsyrmalarynyń oryndalýy týraly baıandaldy.

Memleket basshysyna ınternet sapasyn arttyrý úshin qabyldanyp jatqan sharalar týraly málimet berildi. Baǵdat Mýsınniń aıtýynsha, mınıstrlik ınternet sapasyn tekserýdi jıiletken. Sonyń nátıjesinde sapasyz qyzmet kórsetkeni úshin baılanys operatorlaryna aıyppul salynǵan.

Sonymen qatar vedomstvo basshysy Prezıdentke bıylǵy alty aı ishinde Qazaqstandaǵy ınternet trafıgi 7900 petabaıtqa deıin artqanyn jetkizdi. Bul byltyrǵy bir jyl ishindegi kórsetkishpen salystyrǵanda 15 paıyzǵa artyq.

Mınıstr ınternet sapasyna qatysty negizgi kórsetkishter boıynsha ósimniń oń qarqyny bar ekenine nazar aýdardy. Qazaqstan bir jyl ishinde mobıldi ınternettiń jyldamdyǵy boıynsha Speedtest Global Index reıtıngindegi alatyn ornyn 15 satyǵa jaqsartyp, 80-shi oryndy ıelengen. Qazaqstan bekitilgen ınternet jyldamdyǵy jónindegi reıtıngte 65-shi orynda tur.

Sonymen qatar Memleket basshysyna shalǵaı aýyldarda jyldamdyǵy joǵary keń jolaqty ınternetke qol jetimdilikti qamtamasyz etý úshin jer ústi orbıtalyq spýtnıktik baılanystyń jetekshi operatorlarymen birlese júrgizilip jatqan jumystar jóninde baıandaldy.

Budan bólek Baǵdat Mýsın koronavırýs indetine qarsy kúreste jańa tsıfrlyq tehnologııalardyń qoldanylýy jáne memlekettik qyzmet kórsetý úderisin ońtaılandyrý jóninde esep berdi.

Áńgimelesý sońynda Memleket basshysy birqatar naqty tapsyrma berdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT