Prezıdent AMANAT partııasynyń tóraǵalyǵyna Erlan Qoshanovty usyndy
2022 jylǵy 26 sáýir 15:41

Prezıdent AMANAT partııasynyń tóraǵalyǵyna Erlan Qoshanovty usyndy

NUR-SULTAN. QazAqparat - QR Prezıdenti Qasym-Jomart Toqaev AMANAT partııasynyń tóraǵalyǵyna Erlan Qoshanovty usyndy, dep habarlaıdy QazAqparat tilshisi.

«Men partııa tóraǵasy laýazymyna Erlan Jaqanuly Qoshanovty usynamyn. Ony barshańyz jaqsy bilesizder. Erlan Jaqanulynyń uıymdastyrý qabileti joǵary, tájirıbeli ári bilikti azamat», - dedi Qasym-Jomart Toqaev partııanyń HHІІІ sezinde.

Aıta keteıik, Prezıdent Qasym-Jomart Toqaevtyń tóraǵalyǵymen AMANAT partııasynyń sezi ótip jatyr.

21 sáýirde partııanyń atqarýshy hatshysy Ashat Oralov Prezıdent osy jyldyń 26 sáýirinde kezekten tys XXIII Sezdi shaqyrý týraly sheshim qabyldaǵanyn habarlaǵan edi.

Oǵan barlyq óńirlerden delegattar qatysady. Sezd onlaın formatta ótedi. Sezd barysynda «ADAL» saıası partııasynyń «AMANAT» partııasyna qosylýy týraly másele qaralady dep josparlanǵan.

Budan buryn habarlanǵandaı, ótken aptada Memleket basshysy «Amanat» partııasynyń atqarýshy hatshysy Ashat Oralovty qabyldady.

Prezıdenttiń pikirinshe, partııanyń aımaqtyq fılıaldary osy máselede negizgi ról atqarýǵa tıis jáne óz deńgeıinde mazmundy qoǵamdyq dıalogty nyǵaıtýy qajet. Bıyl naýryz aıynda «ADAL» partııasynyń tóraǵasy Serik Sultanǵalı partııanyń AMANAT-qa qosylý sheshimin túsindirdi.


Jańalyqtar

Úrdis

MURAǴAT