+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Prezıdent Almatydaǵy atysqa qatysty pikir bildirdi

2021 jylǵy 23 qyrkúıek 12:01
Bólisińiz:
Prezıdent Almatydaǵy atysqa qatysty pikir bildirdi

NUR-SULTAN. QazAqparat – QR Prezıdenti Qasym-Jomart Toqaev Mańǵystaý oblysynyń áleýmettik-ekonomıkalyq damýy jónindegi keńeste Almatydaǵy atysqa baılanysty pikir bildirdi, dep habarlaıdy QazAqparat tilshisi.

«Qoǵamda rezonans týdyrǵan Almatyda taıaýda oryn alǵan qaıǵyly oqıǵaǵa jeke toqtalǵym keledi. Qaza tapqandardyń týǵan-týystary men jaqyndaryna taǵy da kóńil aıtamyn. Polıtsııa qyzmetkerleri men sot oryndaýshysy ózderiniń qyzmettik boryshyn atqardy. Ókinishke oraı ózderine shabýyl saldarynan qaza tapty. Adam óltirýdi onyń qandaı da bir sebebi bolsa da aqtaýǵa bolmaıdy. Órkenıetti qoǵamdy mundaı sıpattaǵy kez kelgen daý men problema tek qana quqyqtyq alańda sheshilýi tıis. Buǵan qosa, oryn alǵan qaıǵyly jaıttyń mán-jaıyn tyńǵylyqty ashý kerek. Mundaı jaıt nelikten oryn alǵanyn anyqtaý qajet. Kredıtorlar men problemaly zaemylar arasyndaǵy ásirese turǵyn úıge qatysty qarym-qatynas óte názik. Muny bilemiz ári zańdyq jetildirýdi talap etedi», - dedi Memleket basshysy Mańǵystaý oblysynyń áleýmettik-ekonomıkalyq damýy jónindegi keńes barysynda.


QR Prezıdenti munyń bankterdiń kepil saıasatyna, baǵalaý qyzmetin jetildirýge, jeke sot oryndaýshylardyń júmysyna jáne ózge de aspektilerge qatysty ekendigin atap ótti. Bul máselede ashyq jáne biryńǵaı sot tájirıbesin qamtamasyz etý mańyzdy ekendigine basa nazar aýdartty.

«Úkimetke, Ulttyq bankke jáne Qarjylyq retteý agenttigine bir aı merzimniń ishinde zańnamalyq jáne normatıvtik túzetiler toptamasyn daıyndaý tıis. Taǵy da qaıtalap aıtamyn, eger oǵan qajettilik bolsa. Degenmen, men mundaı qajettilik týyndap otyr dep sanaımyn. Biraq, mamandar bul problemany taǵy da bir márte tyńǵylyqty zerdeleýi tıis. Sonymen qatar Úkimet pen Almaty ákimdigi qaıǵyly oqıǵadan zardap shekkenderdiń barlyǵyna, birinshi kezekte balalarǵa qoldaý kórsetýi qajet»,- dedi Qasym-Jomart Toqaev.

Eske salsaq, Almatyda atys bolyp, 5 adamnyń qaza tapqanyn habarlaǵan bolatynbyz.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.
Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT