+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Prezıdent Alash qaıratkerlerine arnalǵan eskertkishtiń ashylýyna qatysty

2021 jylǵy 4 shilde 15:16
Bólisińiz:
Prezıdent Alash qaıratkerlerine arnalǵan eskertkishtiń ashylýyna qatysty

NUR-SULTAN. QazAqparat - Prezıdent Álıhan Bókeıhan, Ahmet Baıtursynuly jáne Mirjaqyp Dýlatuly syndy ultymyzdyń uly tulǵalaryna arnalǵan eskertkishtiń saltanatty ashylý rásimine qatysty, dep habarlaıdy Aqorda.

Uqsas jańalyqtar
Memleket basshysynyń Ońtústik Koreıaǵa sapary jaıly jańa derekti fılm shyqty QR Prezıdentiniń BUU Azyq-túlik júıeleri sammıtinde sóılegen sóziniń tolyq mátini Qazaqstan jylyna 7 mıllıon tonnaǵa deıin bıdaı eksporttaıdy – Toqaev

Eskertkishti ashqan Qasym-Jomart Toqaev Alash qaıratkerleriniń memorıalyna gúl shoǵyn qoıyp, saltanatty sharaǵa qatysýshylardyń aldynda sóz sóıledi.

Prezıdent Alash arystaryna arnalǵan eskertkishtiń Táýelsizdigimizdiń 30 jyldyǵy men Elorda kúnine oraı ashylýynyń sımvoldyq máni zor ekenin atap ótti.

«Álıhan – Alashorda úkimetin basqarǵan memleket qaıratkeri. Ahmet – halqymyzdy bilim men ǵylymǵa jetelep, rýhanı ustaz bolǵan áıgili aǵartýshy. Mirjaqyp – ult birligi uranyna aınalǵan «Oıan qazaq» pen tuńǵysh qazaq romanynyń avtory, kórnekti qalamger. Úsh qaıratker de – biregeı tarıhı tulǵalar. Bul eskertkish – barsha Alash ardaqtylaryna degen qurmetimizdiń kórinisi», – dedi Qasym-Jomart Toqaev.

Memleket basshysy «Alash» sóziniń qasterli uǵym ekenin atap ótip, Alash qaıratkerleriniń halyqtyń rýhyn oıatý jolyndaǵy qajyrly eńbegine toqtaldy.

«Alash» sózi – halqymyz úshin qashanda qasıetti uǵym. Ótken ǵasyrdyń basynda ultymyzdyń bas kóterer azamattary Alash ıdeıasynyń tóńiregine birikti. Olar eliniń azattyǵy men órkendeýi jolynda qyzmet etti. Halyqtyń rýhyn oıatyp, sanasyna silkinis ákeldi. Jerimizdiń tutastyǵynyń saqtalýyna yqpal etti. Tól ádebıetimiz ben mádenıetimizdi buryn-sońdy bolmaǵan deńgeıge kóterdi. Órkenıetti zııalylyqtyń negizin qalady. Alash arystary zamannyń syn-qaterine qaramaı, Qazaq eliniń memleketshildik ıdeıasyn jańǵyrtty, – dedi Prezıdent.

Qasym-Jomart Toqaev Táýelsizdiktiń arqasynda uzaq jyldar boıy halyq jaýy atanyp, qýǵyn-súrginge ushyraǵan Alash arystarynyń eńbekteri laıyqty baǵasyn alyp, olardyń esimderi qaıta jańǵyryp jatqanyna toqtaldy.

«Ókinishke qaraı, túgelge jýyǵy halyq jaýy atanyp, qýǵyn-súrgin qurbany boldy. Eńbekteri joıyldy, uzaq jyldar boıy olardyń atyn ataýǵa tyıym salyndy. Biraq, ultymyz uly perzentteriniń esimin sanasynan óshirmeı, jadynda saqtaı bildi. Táýelsizdik jyldarynda Alash ıdeıasy men Alash murasy túbegeıli qaıta qaraldy. Osydan birneshe jyl buryn «Alash» avtonomııasynyń 100 jyldyǵyn atap óttik. Bıyl Álıhan Bókeıhannyń 155 jyldyǵy Táýelsizdik merekesi aıasynda ótip jatyr. Biz Alash arystarynyń esimin jańǵyrtyp, tarıhı róline baǵa berýdi qolǵa aldyq. Meniń Jarlyǵymmen Saıası qýǵyn-súrgin qurbandaryn tolyq aqtaý jónindegi memlekettik komıssııa quryldy» , – dedi Memleket basshysy.

Prezıdent óz sózinde Alash qaıratkerleriniń eńbekteri Alashtaný ǵylymynyń aıasynda jan-jaqty zerttelý qajettigine nazar aýdardy.

«Alashtaný ǵylymy arystarymyzdyń eńbekterin barynsha qamtýy kerek. Jyl ótken saıyn Alashtyń abyroıy asqaqtap, bedeli bıikteı beredi. Olardyń atqarǵan isi eshqashan mańyzyn joǵaltpaıdy. Sebebi, ult múddesi, el qamy degen uǵymdar – máńgi qundylyqtar», – dedi Qasym-Jomart Toqaev.

Jıyn sońynda Memleket basshysy Alash qaıratkerleriniń derbes memleket bolyp, jer júzimen terezesi teń qatynas ornatý jónindegi arman-maqsaty júzege asqanyn atap ótip, elimiz búginde álem qaýymdastyǵynyń beldi múshesine aınalǵanyn aıtty.





Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT