+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Prezıdent aqyn Nesipbek Aıtulyn 70 jasqa tolýymen quttyqtady

2020 jylǵy 22 qyrkúıek 17:50
Bólisińiz:
Prezıdent aqyn Nesipbek Aıtulyn 70 jasqa tolýymen quttyqtady

NUR-SULTAN. QazAqparat - Memleket basshysy Qasym-Jomart Toqaev belgili aqyn, Qazaqstannyń eńbek sińirgen qaıratkeri Nesipbek Aıtulyn 70 jasqa tolýymen quttyqtady. Prezıdenttiń quttyqtaý hatyn mereıtoı ıesine Mədenıet jəne sport mınıstri Aqtoty Raıymqulova tabystady, dep habarlaıdy QazAqparat tilshisi.

«Siz poezııa əleminde ózindik orny bar, egemen elimizdiń jarqyn jetistikterin jyr joldarymen órnektegen, talǵamy bıik oqyrmannyń joǵary baǵasyn alǵan aqyn, sara sózdiń sheberi retinde qurmetke bólenip otyrsyz. Qazirgideı syn saǵatta halqymyzdy sabyrly, yntymaqty bolýǵa shaqyryp, azamattyq ún qosqan paıymdy oı-pikirlerińiz jurtshylyqtyń kóńilinen shyǵýda.

Qazaq ədebıetiniń damýyna qosqan eleýli úlesińiz úshin Sizge alǵysymdy bildirip, mereıtoıyńyzben quttyqtaımyn! Ózińizge zor densaýlyq, shyǵarmashylyq tabys jəne əýletińizge qut-bereke tileımin», – delingen Memleket basshysynyń quttyqtaý hatynda.

Sonymen qatar Aqtoty Raıymqulova Nesipbek Aıtulyn mınıstrlik atynan da quttyqtap, shyǵarmashylyq tabys tiledi.


«Siz tól ədebıetimiz ben mədenıetimizdi baıytýǵa ólsheýsiz úles qosyp kele jatqan adýyndy aqyn, qajyrly qaıratkersiz. Uzaq jyl asyl sózben qazaq rýhanııatyna qaltqysyz qyzmet etip kele jatqan merzimdi basylymdarda laýazymdy qyzmet atqaryp, qalyń oqyrmannyń kókjıegin keńeıtetin mazmundy materıaldardyń jaryq kórýine súbeli úles qostyńyz. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Rýhymnyń padıshasy», «Muqaǵalı-Jeltoqsan» jəne taǵy basqa kórkem sózben kómkerilgen maǵynaly kitaptaryńyzben poezııada tyń qubylys qalyptastyrdyńyz. Əlem jazýshylarynyń tańdaýly shyǵarmalaryn ana tilimizde sóıletip, talǵampaz oqyrmannyń ystyq yqylasyna bólenip kelesiz. Aldaǵy ýaqytta da eseli eńbegińiz berekeli bolyp, tolaıym shyǵarmashylyq jetistikterge qol jetkize berýińizge tilektespin», – dedi mınıstr.

Óz kezeginde Nesipbek Aıtuly Memleket basshysyna alǵysyn aıtyp, syndarly kezeńdi birtutas halyq bolyp birge eńseretinimizge senim bildirdi.

Aıta keteıik, Nesipbek Aıtuly belgili aqyn, Memlekettik syılyqtyń laýreaty (2012), Qazaqstannyń eńbek sińirgen qaıratkeri (2011), «Parasat» ordeniniń ıegeri (2004).


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT