+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Prezıdent Aqtóbeniń ákimine óńirdi damytý úshin qandaı mindetter júktedi

2019 jylǵy 22 mamyr 16:52
Bólisińiz:
Prezıdent Aqtóbeniń ákimine óńirdi damytý úshin qandaı mindetter júktedi

AQTÓBE. QazAqparat - Memleket basshysy Qasym - Jomart Toqaev oblys ákimi Ońdasyn Orazalınge 8 tapsyrma berdi, dep habarlaıdy QazAqparat tilshisi.

Memleket basshysy Aqtóbege sapary kezinde qalanyń 150 jyldyq tarıhy, Ábilqaıyr hannyń, Qobylandy men Eset batyrdyń, Áıteke men Móńke bıdiń kıeli mekeni týraly aıtyp berdi. Ári Aqtóbe oblysy elimizdegi mańyzdy ındýstrıaldy aımaq ekenin atap ótti.

«Toǵyz joldyń torabynda turǵan ólkeniń óndiristik, logıstıkalyq jáne tranzıttik áleýeti zor. Aqtóbe oblysy 100-den astam memleketpen turaqty saýda-sattyq baılanys ornatqan óńir. Budan basqa aımaqta 100-ge jýyq kásiporyn qosylyp, 8 myń jańa jumys orny ashyldy. Bul jaqsy kórsetkish. Halyqtyń ál-aýqaty basty nazardaǵy másele. Bul baǵytta jergilikti kásipkerlerdiń belsendigin atap ótý qajet. Aımaqta «Týǵan jer» baǵdarlamasy aıasynda 1400-den astam joba iske asyryldy. Budan bólek sheteldik ınvestorlar óńirdegi áleýmettik nysandardyń boı kóterýine atsalysýda. Muz saraıy, óner nysandary, tennıs ortalyǵy, jedel járdem stantsııasy, oftalmologııalyq klınıka oblystyń damý sapasyna oń yqpal etken jobalar. Aqtóbe oblysy el damýyna aıryqsha úles qosyp otyrǵan aımaq. Qarqyndy damýǵa óńirde barlyq múmkindik bar. Basty maqsat - osy qarqyndy joǵaltpaı, óńirdiń áleýmettik-ekonomıkalyq ósýin arttyrý», - dedi Memleket basshysy Qasym - Jomart Toqaev.

Keıin Aqtóbe óńirinde sheshilmegen birqatar máselege toqtaldy.

«Birinshiden, halyqty qoljetimdi ári sapaly baspanamen qamtamasyz etý kerek. Bul bárine aıan tapsyrma. Bıyl Aqtóbede 1 mıllıon sharshy metr turǵyn úı salynady. 1288 kópbalaly otbasy baspanamen qamtamasyz etiledi. Óńirde jeke úı salý damyǵanyn bilemiz. Bul baǵyttaǵy jumysty jalǵastyrý kerek. Qazir kezekte shamamen 170 myńnan astam adam tur. Onyń 140 myńnan astamy Aqtóbe qalasynda eken. Al 65 myńnan astam adam saıajaı aýmaqtarynda turyp jatyr. Kóp jaǵdaıda turǵyndar memleketten kómek kútip otyrmaıdy, ózderi úı salǵysy keledi. Tek jer kerek. Sondyqtan kezeń-kezeńimen jer berýdi, qajetti ınfraqurylymmen qamtamasyz etýdi tapsyramyn. Adamdar memleketten naqty sheshimderdi kútedi», - dedi Prezıdent.

Ekinshiden, turǵyndardyń eńbekaqysy qajetti mólsherden tómen. Oblystaǵy ortasha jalaqy - 141 myń teńge. Al respýblıka boıynsha 168 myń teńge. Budan bólek birqatar aýdan turǵyndarynyń tabys kóleminde aıtarlyqtaı aıyrmashylyq bar eken.

«Oblys basshylyǵy atalǵan teńsizdikke jol bermeı, qajetti sharalardy qabyldaý mindet. Bul árıne kúrdeli másele. Ony bir kún, bir apta, bir aıda sheshý múmkin emes. Biraq báribir sheshimin tabý kerek. 1 maýsymnan bastap bıýdjet salasy qyzmetkerleriniń jalaqysy ósedi. Jeke kásiporyndar da osy úrdisten tys qalmaýy kerek. Olar da qyzmetkerleriniń jalaqysyn artyryp, jan-jaqty áleýmettik qoldaý kórsetýi tıis. Laıyqty jalaqy halyqtyń ál-aýqatyna yqpal etetin mańyzdy faktor. Sondyqtan azamattarymyzdyń tabysyn arttyrý árqashan meniń basty nazarymda bolady. Turǵyndardyń tabys kólemi oblys ákimdikteriniń jumys kórsetkishine aınalady», - dedi Memleket basshysy.

Sonymen qatar, shaǵyn jáne orta bıznesti, tranzıttik habty damytý, sapaly bilim, jastar máselesi, agroónerkásip pen aýyldy kórkeıtýge qatysty birqatar mindetter júktedi.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT