+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Premer-Mınıstr tutynýshy múddesin qorǵaýdyń birtutas júıesin jasaýdy tapsyrdy

2020 jylǵy 22 qyrkúıek 10:30
Bólisińiz:
Premer-Mınıstr tutynýshy múddesin qorǵaýdyń birtutas júıesin jasaýdy tapsyrdy

NUR-SULTAN. QazAqparat – QR Premer-Mınıstri Asqar Mamın Tutynýshylardyń múddesin qorǵaý boıynsha birqatar tapsyrma berdi, dep habarlaıdy QazAqparat tilshisi.

Uqsas jańalyqtar
Úkimette Almaty JEO-2-ni gazdandyrý jobasy maquldandy Qazaqstan ekonomıkasy birtindep ósim traektorııasyna shyǵyp keledi Úkimet áleýmettik-ekonomıkalyq damýdyń naqtylanǵan boljamyn maquldady

«Tutynýshylardyń quqyǵyn qorǵaý – bizdiń jumysymyzdyń mańyzdy baǵyty, ol barlyq qazaqstandyqtardyń múddesin qozǵaıdy. Bıylǵy 8 aıdyń ózinde ýákiletti organǵa qyzmetter men taýarlardyń sapasy boıynsha 8 myńnan astam shaǵym tústi, olar boıynsha tutynýshylardyń 80 paıyzynyń máselesi sheshildi. Tutynýshylardy qorǵaý boıynsha bizdegi júıe Germanııa, Sıngapýr, Japonııa sııaqty elderdiń ozyq tájirıbesin eskerýi kerek, olarda Tutynýshy – Qoǵamdyq birlestik – Memleket baılanysy naqty uıymdastyrylǵan. Olardyń tájirıbesine sáıkes azamattardyń múddesin qorǵaý úshin azyq-túlik, medıtsınalyq qyzmetter, turǵyn úı-kommýnaldyq qyzmetter, farmatsevtıkalyq taýarlar jáne týrızm sııaqty mańyzdy salalarǵa erekshe mán berý qajet. Sapasyna kepildik berýge bolatyn ónim óndirýge, baqylaý maqsatyndaǵy satyp alý mehanızimin paıdalanýǵa, adal jarnama men marketıngke baǵyttalǵan saıasat júrgizý qajet», - dedi Premer-Mınıstr Úkimet otyrysyndaǵy qorytyndy sózinde.

Úkimet basshysy qazirgi ýaqytta tutynýshylardy qorǵaý salasynda naqty jumys atqarylyp jatqanyn jetkizdi.

«Bıyl maýsym aıynda úkimettik emes uıymdar men bıznestiń qatysýymen tutynýshylardyń múddesin qorǵaý boıynsha birtutas júıe jasaýǵa yqpal etetin zańnamalyq túzetýler qabyldandy. Osyǵan oraı, eń aldymen salada qoǵamdyq uıymdar birlestigin qurý qajettiligi týraly usynysty qoldaımyn. Bul jumysty jyldyń sońyna deıin aıaqtaý qajet. Saýda mınıstrligi men Ulttyq kásipkerler palatasy úkimettik emes uıymdar bazasynda tutynýshylardy qorǵaý boıynsha ombýdsmen ınstıtýtyn engizý máselesin pysyqtasyn», - dedi A. Mamın.

Premer bergen ekinshi tapsyrma – Ulttyq ekonomıka, Saýda jáne Ádilet mınıstrlikteri normatıvtik aktiler jobalarynyń retteýshilik áserin tutynýshylardy qorǵaý turǵysynan taldaý júrgizý boıynsha mindetti talap qarastyrýy qajet. Bul rette aktilerdi ázirleýge qoǵamdyq keńesterdiń quramynda úkimettik emes uıymdardyń qatysýyn qamtamasyz etý kerek.

«Úshinshi – saýda mınıstrligine Ulttyq ekonomıka mınıstrligimen birlesip, memlekettik organdardyń, jergilikti atqarýshy organdar men kvazımemlekettik uıymdardyń tıimdilik kórsetkishterine (KPI) tutynýshylar tarapynan qanaǵattaný jáne senim deńgeıin baǵalaýdy qosýdy tapsyramyn. Tórtinshi – Ulttyq kásipkerler palatasy tutynýshylardyń múddesin eskeretin, erikti iskerlik praktıka qaǵıdalarynyń jınaǵy men úlgilik sharttardy qabyldaýy qajet. Sonymen qatar bıznesti tutynýshylarǵa usynatyn qyzmetter men taýarlarynyń sapasyn jaqsartýǵa yntalandyrý sharalaryn pysyqtaý kerek», - dedi Asqar Mamın.

Besinshi tapsyrma – Saýda jáne Aqparat mınıstrlikteri jáne Ulttyq kásipkerler palatasy tutynýshylardy qorǵaý salasynyń ózekti máseleleri boıynsha aqparattyq-túsindirý jumysyn júrgizýi tıis.

«Jalpy Saýda mınıstrligine múddeli memlekettik organdarmen jáne uıymdarmen birlesip, Tutynýshylardyń múddesin qorǵaýdyń birtutas júıesin jasaý úshin tıisti is-sharalar josparyn ázirlep, 1 qarashaǵa deıin engizýdi tapsyramyn», - dedi Premer-Mınıstr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT