+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Premer-Mınıstr mashına jasaý boıynsha mınıstrlikterge tapsyrma berdi

2020 jylǵy 19 maýsym 11:38
Bólisińiz:
Premer-Mınıstr mashına jasaý boıynsha mınıstrlikterge tapsyrma berdi

NUR-SULTAN. QazAqparat - QR Premer-Mınıstri Asqar Mamın mashına jasaýdy damytý máseleleri boıynsha tıisti tapsyrmalar berdi, dep habarlaıdy QazAqparat tilshisi.

Uqsas jańalyqtar
Qazaqstannyń mashına jasaý salasynda qarqyn ósim kórsetip otyr

«Bıylǵy bes aıdyń qorytyndysy boıynsha, ekonomıkadaǵy quldyraýǵa qaramastan, mashına jasaý salasyndaǵy óndiris kólemi 535 mlrd teńgeni qurady. Bul ótken jylǵydan 18,5% joǵary. Qazir bizde mashına jasaý salasynda 3 myńǵa jýyq kásiporyn jumys isteıdi, olar ártúrli ónimderdi – bólshekterdi shyǵarýdan bastap dáldigi joǵary tehnıkalardy qurastyrýǵa deıin ıgerdi. Osy arqyly munaı-gaz, metallýrgııa jáne agrarlyq ónerkásip sııaqty ekonomıkanyń negizgi sektorlarynyń qajettiligin qamtamasyz etýde», - dep atap ótti Premer-Mınıstr Úkimettiń búgingi otyrysynda.

Osyǵan baılanysty qazirgi ekonomıkalyq jaǵdaıdy nazarǵa ala otyryp, birneshe baǵytqa basa nazar aýdarý kerek.

«Birinshiden, biz úshin jergilikti qamtýdy arttyrý máselesi mańyzdy bolyp tabylady. Búginde sala sektorlaryn lokalızatsııalaý deńgeıi 35% bastap 95% deıin jetedi. Bul kórsetkishterdi arttyrýymyz kerek. Eldegi avtoparktiń 70% qyzmet etý merzimi aıtarlyqtaı eskirgenin nazarǵa alsaq, bul óte mańyzdy. Ony jańartý otandyq kásiporyndardyń qýatyn júkteýge, jańa jumys oryndaryn ashýǵa, óndiriste jáne joldarda qaýipsizdikti qamtamasyz etýge, elde ekologııany jaqsartýǵa múmkindik beredi. Sonymen birge, Joǵary Eýrazııalyq ekonomıkalyq keńestiń sheshimine sáıkes biz motorly kólik quraldary óndirisin lokalızatsııalaý deńgeıin keminde 50% jetkizýimiz kerek. Osyǵan oraı, kásiporyndardyń óz mindettemelerin oryndaýyn baqylaýǵa alý qajet», - dedi A. Mamın.

Premer-Mınıstr Indýstrııa jáne ınfraqurylymdyq damý mınıstrligine bul máselelerdi baqylaýǵa alyp, lokalızatsııany, óndiris kólemin arttyryp, eksportty keńeıtýdi tapsyrdy.

«Ekinshiden, qazirgi ýaqytta Qazaqstanda aýyl sharýashylyǵy tehnıkasynyń 70% tozǵan, paıdalaný merzimi ótken. Qazaqstannyń azyq-túlik haby retine qalyptasýyn eskere otyryp, aýyl sharýashylyǵy tehnıkasy parkin jańartý mańyzdy mindet bolyp tabylady. Ol úshin jańa perspektıvaly óndiristerdi qurý maqsatynda elge ınvestıtsııalar men seriktesterdi tartý qajet. Aýyl sharýashylyǵy tehnıkasyn jańartatyn bolsaq, eńbek ónimdiligi jaqsarady, aýyl sharýashylyǵy óndirisi ulǵaıady. Aýyl sharýashylyǵy, Indýstrııa mınıstrlikterine bir aı merzimde aýyl sharýashylyǵy tehnıkasy parkin jańartý boıynsha naqty usynystar ázirleýdi tapsyramyn», - dedi ol.

Úshinshi, Úkimet basshysy munaı-gaz mashınasyn jasaýda ótken jyly 63,7 mlrd teńgege ónim shyǵarylǵanyn atap ótti. Bıylǵy 4 aıda bul kórsetkish 21 mlrd teńgeni qurady, bul ótken jylǵy kezeńmen salystyrǵanda 30% kóp.

«Munaı-gaz mashınasyn jasaý salasynyń áleýeti úlken jáne tolyǵymen júzege asyrylmaǵan. Osy baǵyttaǵy jumysty kúsheıtý kerek. Sondyqtan, bul salaǵa qajetti jabdyqtardy óndirý úshin sheteldik seriktester men kompanııalardy tartýymyz qajet. Osyǵan oraı, Energetıka jáne Indýstrııa mınıstrlikterine tıisti usynystar engizýdi tapsyramyn», - dedi Premer-Mınıstr.

Tórtinshi, memleket eksport kezindegi shyǵynnyń 80% deıin óteý arqyly básekege qabiletti joǵary tehnologııalyq ónimder eksportyn damytýy kerek.

«Qazirgi jaǵdaıda qosymsha qoldaý sharalarynyń qajettiligi týyndap otyr. Saýda jáne ıntegratsııa, Indýstrııa mınıstrlikterine otandyq eksporttaýshylarǵa jańa qoldaý sharalaryn kórsetý múmkindigin pysyqtaýdy tapsyramyn. Besinshi, ózderińizge belgili, bıylǵy mamyr aıynda Memleket basshysy Ónerkásipti damytý qoryn qurýdy tapsyrdy. Ol serpindi óńdeýshi jobalardy, onyń ishinde mashına jasaý salasyndaǵy jobalardy qoljetimdi kredıtteýdi qamtamasyz etýi kerek. Qordyń qyzmeti jumys istep jatqan kásiporyndardy jańartýǵa, jańa óndiristerdi uıymdastyrýǵa jáne ımportty almastyrýdy qamtamasyz etýge baǵyttalýy tıis. Sondyqtan Indýstrııa mınıstrligi bıylǵy 1 shildege deıin Ónerkásipti damytý qoryn qurýdy qamtamasyz etsin», - dedi Asqar Mamın.

Eske sala ketsek, buǵan deıin QR Indýstrııa jáne ınfraqurylymdyq damý mınıstri Beıbit Atamqulov mashına jasaý salasyndaǵy negizgi nátıjelerdi baıandady.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT