+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Premer-lıga: «Qaırat» «Astanadan» basym tústi

2020 jylǵy 30 qazan 18:55
Bólisińiz:
Premer-lıga: «Qaırat» «Astanadan» basym tústi

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 16-týrynda «Astana» men «Qaırat» komandalary kezdesti, dep habarlaıdy QazAqparat tilshisi.

Uqsas jańalyqtar
Krıshtıaný Ronaldý fýtbol tarıhyndaǵy úzdik surmergen atandy Fýtbol: «Shahter» komandasyna bas bapker taǵaıyndaldy Fýtbol: Almatynyń «Qaıratyna» nemis shabýylshysy keldi

Buǵan deıin eki komanda 40 márte kezdesti. Onyń 18-de «Astana» basymdyq tanytsa, 12-i «Qaırattyń» jeńisimen aıaqtaldy. Qalǵanynda teń nátıje tirkeldi .

Búgingi kezdesýde tartysty oıyn órbidi. Eki komanda alma-kezek shabýylǵa ıek artty. Oıynnyń 31-mınýtynda «Qaırattyń» shabýylshysy Abat Aıymbetov esep ashty. Osylaısha ol bıyl óziniń onynshy dobyn soqty. Surmergender kóshinde 10 golmen «Ordabasy» oıynshysy Joao Paolo alǵashqy eki oryndy ózara bólisip tur.

Búgin «Qaırat» basty qarsylasyn 1:0 esebimen jeńdi. Týrnır kestesinde olardan 14 upaıǵa uzap ketti. «Qaıratta» 16 oıynnan keıin 41, «Astanada» 15 oıynnan keıin 27 upaı bar. Almatylyq klýb chempıondyq ataqqa bir taban jaqyndaı tústi.

«Astana» endi bes oıyn ótkizedi. Al «Qaırattyń» alda tórt kezdesýi bar.

Sondaı-aq, búgin Shymkenttiń «Ordabasy» jáne Qostanaıdyń «Tobyl» komandalary arasynda qyzyqty jekpe-jek ótti. Bul kezdesýde qostanaılyq klýb sapynan 48-mınýtta Rýslan Valıýllın esep ashsa, 57-mınýtta shymkenttik fýtbolshy Vıktor Dmıtrıenko óziniń qaqpasyna gol soǵyp aldy. Qorytyndy esepti 84-mınýtta «Tobyl» oıynshysy Senan Sebaı belgiledi. Osylaısha qostanaılyq ujym qarsylasyn 3:0 esebimen tize búktirdi.

Búgin atalǵan týrda endi «Qaısar» men «Qaspıı» komandalary kezdesedi. Oıyn elorda ýaqytymen 19.00-de bastalady.

Erteń, 31 qazanda «Qyzyljar» men «Jetisý», «Oqjetpes» pen «Taraz» komandalary sheberlik baıqasady.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT