+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Pragada «Qazaqstan halqynyń mádenıet kúnderi» festıvali ashyldy

2021 jylǵy 14 qyrkúıek 22:54
Bólisińiz:
Pragada «Qazaqstan halqynyń mádenıet kúnderi» festıvali ashyldy

PRAGA. QazAqparat - 14 qyrkúıekte Pragada QR Elshiligi men «Elim-Aı» qazaqstandyq mádenı ortalyǵynyń qoldaýymen Cheh Respýblıkasyndaǵy Qazaqstan halqynyń mádenıet kúnderi saltanatty túrde ashyldy. Bul týraly QazAqparat QR Cheh Respýblıkasyndaǵy Elshiligine silteme jasap habarlaıdy.

Uqsas jańalyqtar
Erjan Erkinbaev QR mádenıet jáne sport vıtse-mınıstri bolyp taǵaıyndaldy

Qazaqstandyq dıplomattar qonaqtarǵa eki eldiń qazaq-cheh mádenı-gýmanıtarlyq yntymaqtastyq salasyndaǵy jetistikteri týraly egjeı-tegjeıli aıtyp berdi.

Cheh Respýblıkasynyń parlamenti tóraǵasynyń birinshi orynbasary Voıteh Fılıp óz sózinde: «Qazaqstannyń mádenıet kúnderi, Qazaqstan men Cheh arasyndaǵy ekijaqty baılanystardy nyǵaıtýǵa eleýli úles qosady, mundaı sharalar bizdiń ýaqytta mańyzdy. Qazaqstan - meniń ekinshi otanym, bul tańǵajaıyp jáne ádemi elge birneshe ret bardym. Qazaqstan mádenıeti kóp qyrly jáne biregeı, al halyqtyń tarıhy jarqyn jáne tereń».

Chehııalyq kórermender ár túrli mýzykalyq jáne óner ujymdarynyń qoıylymdaryn tamashalaýǵa múmkindik aldy. Festıval aıasynda «Qazirgi Qazaqstan» fotokórmesi, «Meniń Otanym - Qazaqstan» balalar sýretteriniń kórmeleri uıymdastyryldy, sonymen qatar qazaqtyń uly aqyny Jambyl Jabaevtyń 175 jyldyǵyna arnalǵan derekti fılmder kórsetildi.

Ashylý saltanaty baǵdarlamasynyń kontserttik bóliginde Orta Azııa halyq folklorlyq toptary óner kórsetti, qazaq kúıleriniń oryndaýshylary, Pragada oqyp jatqan qazaq stýdentteri belgili qazaq shyǵarmalaryn oryndady.

Festıval eki aptaǵa sozylady, onyń aıasynda qazaqtyń belgili qoǵam jáne saıası qaıratkerleri, aqyn -jazýshylar, memleket qaıratkerleri: Qanysh Sátbaev, Júsipbek Aımaýytov, Shoqan Ýálıhanovqa, «Alash» qoǵamdyq-saıası qozǵalysynyń jetekshisi Ahmet Baıtursynov arnalǵan derekti fılmder kórsetiledi, jáne Qazaqstannyń Táýelsizdik jyldaryndaǵy jetistikteri men Semeı ıadrolyq polıgonynyń jabylýynyń 30 jyldyǵyna arnalǵan fotokórmeler.

Festıval sońynda, aǵymdaǵy jyldyń 28 qyrkúıeginde qonaqtarǵa Cheh Respýblıkasynyń Teledıdarmen birlesip túsirilgen Qazaqstan Respýblıkasy Táýelsizdiginiń 30 jyldyǵyna arnalǵan derekti fılm usynylady.

Festıval 2021 jyldyń 28 qyrkúıegine deıin jalǵasady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT