+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Praım-taımda kórsetiletin ulttyq fılmder sany artady

2018 jylǵy 4 jeltoqsan 15:58
Bólisińiz:
Praım-taımda kórsetiletin ulttyq fılmder sany artady

ASTANA. QazAqparat - Praım-taımda ulttyq fılmder kórsetilse, kınoóndirýshiler men kınoteatrlar salyqtyq jeńildikter alady. Bul týraly QR Parlament Senatynda QR Mádenıet jáne sport vıse-mınıstri Aqtoty Raıymqulova málim etti, dep habarlaıdy QazAqparat.

Búgin Senattyń Áleýmettik-mádenı damý jáne ǵylym komıtetiniń keńeıtilgen otyrysynda «Kınematografıa týraly» zań jobasy talqylandy.

«Qazaqstan aýmaǵyna engen fılmder qazaq tiline dýblıajdalýy tıis. Bul norma osyǵan deıin deklaratıvti sıpatqa ıe bolyp, tıisti deńgeıde jumys istemedi. Endi bul zańnama oryndalýy úshin Kınematografıa týraly jańa zań jobasynda el aýmaǵyna kirgen fılmdi qazaq tiline aýdarý turǵysynda dýblıajdaý, ne sýbtıtrleý, ne fılmderge kadrdan tys aýdarma jasaý eskerilgen. Iaǵnı, bul Qazaqstan aýmaǵyna jetkizilgen fılmderdiń barlyǵy qazaqsha nusqasymen bolýy úshin jasalyp otyr», - dedi vıse-mınıstr komıtettiń otyrysynan keıin tilshilerge jaýap bere otyryp.

Onyń sózine qaraǵanda, osy zań jobasy boıynsha praım-taımda qazaq tilindegi fılmderdiń kórsetilýin yntalandyrýǵa qatysty norma engizilgen. Bul rette salyqtyq jeńildikter qamtylyp otyr.

«Zań jobasy salyq jeńildikterin qarastyrady. Atap aıtqanda, fılmder óndirisi kezinde ınvestor úshin kınoóndirýshi kompanıalardy qosymsha qun salyǵynan bosatý usynyldy. Sondaı-aq fılmderdiń quqyq ıelenýshilerin jáne prokattaý kınokompanıalaryn, ıaǵnı ulttyq fılmderdi prokattaý kezinde kınoteatrlardy korporatıvtik tabys salyǵynan bosatý kózdelip otyr. Biz mundaı norma sheteldik kartınalardyń aldynda olardyń (ulttyq fılmderdiń) kepildi artyqshylyǵyn qamtamasyz etedi dep oılaımyz», - dedi Aqtoty Raıymqulova.

Budan buryn habarlanǵandaı, atalǵan zań jobasyn Parlament Májilisinde talqylaý barysynda QR Mádenıet jáne sport mınıstri Arystanbek Muhamedıuly fılmderdi qazaq tiline aýdarýdyń úsh nusqasyn usyndy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT