Poıyz ben avtobýstyń soqtyǵysýy: Oqıǵa ornynda avtobýs júrgizýshisi mert boldy

TALDYQORǴAN. QazAqparat - Almaty oblysyna qarasty Shamalǵan stantsııasynda poıyz ben avtobýstyń soqtyǵysýy saldarynan oqıǵa ornynda avtobýs júrgizýshisi mert boldy, dep habarlaıdy QazAqparat tilshisi.

Uqsas jańalyqtar

QTJ Shamalǵandaǵy apattyń mán-jaıyn málim etti

Shamalǵandaǵy apat: Avtobýs júrgizýshisi esikti ashpaı qoıdy – kýáger Shamalǵandaǵy apatqa qatysty arnaıy komıssııa quryldy Poıyz ben avtobýstyń soqtyǵysýy: úsh adam jansaqtaý bóliminde jatyr

«Búgin 19 saǵat 30 mınýtta «Almaty–Qostanaı» baǵytyna qatynaıtyn poıyz avtobýspen soqtyǵysty. Oqıǵa ornynda avtobýs júrgizýshisi mert boldy. Taǵy úsh adam túrli dene jaraqatymen aýrýhanaǵa jetkizildi. Onyń ekeýi bala, bireýi áıel adam. Atalǵan fakti boıynsha QR QK 345-babynyń 3-shi tarmaǵyna sáıkes tergeý júrip jatyr», - dedi oblystyq Polıtsııa Departamenti baspasóz qyzmetiniń jetekshisi Sergeı Neznaev.

Oqıǵa ornynda polıtseıler jumys ister jatyr.

Esterińizge sala keteıik, búgin Shamalǵan stantsııasynda avtobýspen poıyzdyń soqtyǵysqanyn habarlaǵan bolatynbyz. Aldyn-ala boljam boıynsha, avtobýs poıyzdyń relsine shyǵyp ketken.

Almaty oblysy ákiminiń baspasóz qyzmeti eki adam qaıtys boldy dep aldyn ala aqparat bergen edi. Biraq, atalǵan vedomstvonyń ókili Ǵalymurat Júkel bir adamnyń qaıtys bolǵanyn, taǵy eki adamnyń jansaqtaý bólimine túskenin naqtylady.