Postdoktoranttarǵa eńbekaqysy 500 myń teńge bolatyn 1000 grant bólinedi
2022 jylǵy 20 mamyr 12:53

Postdoktoranttarǵa eńbekaqysy 500 myń teńge bolatyn 1000 grant bólinedi

NUR-SULTAN. QazAqparat – Bıyldan bastap 500 ǵalym álemniń jetekshi ǵylymı ortalyqtarynda taǵylymdamadan ótedi. Bul týraly Senattaǵy jastardy qoldaý taqyrybyna arnalǵan parlamenttik tyńdaýda Premer-Mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.

«Búginde Úkimet ǵylymdaǵy jastar sanyn arttyrý baǵytynda keshendi jumystar júrgizýde. Jas ǵalymdar úlesin 50%-ǵa nemese 17 myń adamǵa deıin ulǵaıtý mindetin qoıyp otyrmyz. Bul úshin jas ǵalymdardyń ıdeıalaryn qarjylandyrý boıynsha arnaıy konkýrstar ótkiziledi. Qazirdiń ózinde jalpy quny 26 mlrd teńge bolatyn 451 joba qarjylandyrylyp jatyr», - dedi E. Toǵjanov.

Onyń aıtýynsha, alǵash ret «Jas ǵalym baǵdarlamasy aıasynda postdoktoranttarǵa eńbekaqysy 500 myń teńge bolatyn 1000 grant bólinedi.

«Bıyldan bastap jyl saıyn 500 ǵalym álemniń jetekshi ǵylymı ortalyqtarynda taǵylymdamadan ótedi», - dedi Úkimet basshysynyń orynbasary.

Budan buryn habarlanǵandaı, Senat tóraǵasy M. Áshimbaev barlyq reformanyń túpki maqsaty da jastardyń ál-aýqatyn arttyrýǵa ári olardyń damýyna jaǵdaı jasaýǵa arnalǵanyn atap ótti.

Sonymen qatar ol ýnıversıtet bitirgen túlekterge eńbek naryǵynda suranys joq ekenin aıtty.


Uqsas jańalyqtar
Avtor:
Tilshi

Jańalyqtar

MURAǴAT