Popýlızmge jol bermeý, bastaǵan reformany aıaqtaý - Japonııanyń bilim júıesi qandaı
2022 jylǵy 25 maýsym 11:18

Popýlızmge jol bermeý, bastaǵan reformany aıaqtaý - Japonııanyń bilim júıesi qandaı

NUR-SULTAN. QazAqparat – QR Oqý-aǵartý mınıstri Ashat Aımaǵambetov Japonııanyń bilim júıesindegi erekshelikke qatysty jarııalanǵan maqalamen bólisti, dep habarlaıdy QazAqparat tilshisi.

«Bilim berýde dálelder men zertteýlerge ekpin qoıyp, sodan keıin sheshimder qabyldaý óte mańyzdy. Bilim berý júıesin reformalaýdaǵy Japonııanyń 30 jylǵa jýyq tájirıbesinen kóp maǵlumat alýǵa bolady», - dep jazdy A. Aımaǵambetov óziniń telegram kanalynda.

Osy oraıda mınıstr atalǵan eldiń oqý-aǵartý salasyndaǵy eki mańyzdy erekshelikke toqtaldy.

«Birinshiden, úkimettiń qoǵamnyń úlken qysymyna jáne PİSA zertteýiniń birneshe tsıklindegi el kórsetkishteriniń tómendeýine qaramastan, bastalǵan reformalardy jalǵastyrý jáne qoǵamnyń belgili bir bóliginiń talaptaryna baǵyný arqyly popýlızmge jol bermeý kózqarasy. Ekinshiden, mektep reformasyn júzege asyrýǵa qoǵam men sarapshylardy keńinen tartý. Reforma 20 ǵasyr ındýstrııasynan 21 ǵasyr ekonomıkasyna ótý qajettiligine baılanysty 1984 jyly bastaldy. Ótken ǵasyrdyń 80-shi jyldarynda ekonomıkasy boıynsha ekinshi oryn alǵan Japonııa úkimeti ekonomıkalyq reformalardy bastaýǵa sheshim qabyldap, ol úshin basty nazarǵa bilim berý júıesin reformalaý mindeti alynady. Bul reforma tek mektep baǵdarlamalaryn ǵana emes, sonymen birge bilim berýdi basqarý júıesin, baǵalaýdy, ulttyq testileýdi, pedagogterdiń biliktiligin arttyrýdy, qarjylandyrýdy, JOO-ǵa túsý emtıhandaryn jáne basqa da júıelerdi de qamtydy», - dedi A. Aımaǵambetov.

Osy oraıda vedomstvo basshysy bul málimetterge qatysty zerteý derekteriniń siltemesimen bólisti.



Seriktester jańalyqtary

Jańalyqtar

Úrdis

MURAǴAT