Polıtsııanyń servıstik úlgisin ýchaskelik deńgeıde ǵana engizý azdyq etedi – QR Prezıdenti
2022 jylǵy 23 maýsym 16:13

Polıtsııanyń servıstik úlgisin ýchaskelik deńgeıde ǵana engizý azdyq etedi – QR Prezıdenti

NUR-SULTAN. QazAqparat – Polıtsııanyń servıstik modelin qalyptastyrýda halyqpen tyǵyz jumys isteıtin salalarǵa basymdyq berýilýi kerek. Prezıdent Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda osyndaı pikir bildirdi, dep habarlaıdy QazAqparat tilshisi.

«Shyn máninde, qazir azamattyq qoǵamnyń kózi ashyq. Olar qaýipsizdik salasyndaǵy túıtkilderdi sheshýge belsendi túrde qatysa alady. Sondyqtan, Polıtsııa qyzmetiniń servıstik úlgisin ýchaskelik deńgeıde ǵana engizý azdyq etedi. Mınıstrliktiń basqa da qurylymdary osy úlgige kóshýi kerek. Ásirese, halyqpen tyǵyz jumys isteıtin salalarǵa basa mán berilýge tıis.

Servıstik úlginiń basty ereksheligi – quqyq buzýshylyqtyń aldyn-alý. Bul iste júıeli ustanym bolýy qajet. Qoǵamǵa qarsy is-áreket týǵyzatyn jaǵdaılardy túbirimen joıǵan jón. Jaǵymsyz áleýmettik faktorlardyń yqpalyn azaıtý kerek. Ásirese, zańdy belden basýǵa beıim adamdardyń tártip buzýyna jol berýge bolmaıdy», - dedi Memleket basshysy.

Prezıdenttiń paıymynsha, munyń bári Іshki ister mınıstrligi ǵana atqaratyn jumys emes. ıAǵnı, ózge memlekettik organdarǵa da ortaq mindet.

«Bizde quqyq buzýshylyqtyń aldyn-alý jónindegi komıssııalar bar. Respýblıkalyq jáne óńirlik deńgeıdegi osyndaı komıssııalardyń múmkindigin tolyq paıdalanǵan jón. Ákimder de aımaqtyń turaqtylyǵy men tynyshtyǵyna jaýapty. Úkimet olardyń osy baǵyttaǵy jumysyna qoıylatyn talapty qaıta qaraýy qajet. Aımaqtyń qaýipsizdigi – óte mańyzdy», - dedi Qasym-Jomart Toqaev.

Aıta keteıik, búgin Memleket basshysy Qazaqstan polıtsııasynyń 30 jyldyǵyna arnalǵan saltanatty jıynda sóz sóıledi.

Jańalyqtar

Úrdis

MURAǴAT