+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Polıtsııaǵa úıinen aqsha urlandy dep jalǵan aqparat bergen áıeldiń basy bálege qaldy

2020 jylǵy 16 qańtar 03:55
Bólisińiz:
Polıtsııaǵa úıinen aqsha urlandy dep jalǵan aqparat bergen áıeldiń basy bálege qaldy

TALDYQORǴAN.QazAqparat – Almaty oblysynda nesıesin tólegen áıel úıinen aqsha urlanǵanyn aıtyp polıtsııaǵa jalǵan aqparat bergen, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, oqıǵa Talǵar aýdanynda bolǵan. 39 jastaǵy áıel tártip saqshylaryna aryzdanyp, úıinen 100 myń teńge joǵalǵandyǵyn jetkizgen. Polıtsııa qyzmeti atalǵan fakti boıynsha is qozǵap, tergeýge kirisken. Biraq sońynda eshqandaıda urlyqtyń bolmaǵany anyqtalǵan. Sebebi, shaǵymdanýshy óziniń túsiniktemesinde shatasyp, oqıǵany ártúrli etip, qubyltyp aıta bastaǵan. Osylaısha aryzdanýshynyń ózi áreketimen qylmystyń bolmaǵanyn ashyp bergen.

«Eshqandaı tonaý faktisiniń bolmaǵanyn, polıtsııaǵa jalǵan aqparat bergenin ol sońynda moıyndady. Anyqtalǵandaı, áıel adam nesıe alǵan. Nesıeni úıdegi qarajatpen tólegen. Biraq onyń nesıe alǵandyǵy jóninde joldasy bilmegen. Ol úıde janjal bolady dep, nesıe tólegen aqshany urlap ketti dep oıdan shyǵarǵan»,- dep málimdedi atalǵan vedomstvonyń baspasóz qyzmeti.

Endi tonaý faktisi boıynsha is toqtatylyp, polıtseıler jalǵan aqparat bergen áıeldiń ústinen QR QK 419 babynyń 2 tarmaǵyna sáıkes is qozǵady. Atalǵan bap talaptary boıynsha kúdikti 4 myń aılyq eseptik kórsetkish kólemine deıin aıyppul tóleıdi nemese 5 jylǵa deıin bas bostandyǵynan aıyrylýy múmkin.


Bizdiń kanalymyzǵa jazylyńyz:

Basty sózder: Almaty oblysy, Oqıǵa,
Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT