+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Polıtsııa jumysynyń standarttary men algorıtmderi qaıta qaralyp jatyr - ІІM

2019 jylǵy 13 qarasha 10:54
Bólisińiz:
Polıtsııa jumysynyń standarttary men algorıtmderi qaıta qaralyp jatyr - ІІM

AQTÓBE. QazAqparat - Aqtóbe oblysynda bıyl qyzmet barysynda erligimen erekshe kózge túsken respýblıkamyzdyń úzdik 14 polıtsııa qyzmetkeriniń qatysýymen «Qazirgi zaman qaharmany» respýblıkalyq aktsııasy ótip jatyr, dep habarlaıdy QazAqparat tilshisi.

Uqsas jańalyqtar
Syn saǵatta erlik kórsetken polıtseıler jaıly ne bilemiz Shymkentte qylmystyq top qurǵan polıtsııa basshylary sottaldy Zorlanǵan 7 jasar qyz týraly is qujattaryn ınternetke taratqan polıtseıler jazalandy – ShQO

Aktsııa «Erlik – elge mura, urpaqqa - úlgi» uranymen ótýde. Aqtóbe oblystyq PD baspasóz qyzmetiniń málimetinshe, 5 kúndik shara «Qazirgi zaman qaharmany» aktsııasy «Nur Otan» partııasynyń májilis zalynda «Erlik - elge mura, urpaqqa – úlgi» taqyrybynda «dóńgelek ústel» ótkizýmen bastaý aldy. «Halyq qaharmany» polıtsııa kapıtany Ǵazız Baıtasovty eske alýǵa arnalǵan bul sharany Іshki ister mınıstrligi jyl saıyn ótkizedi. Ol ishki ister organdary qyzmetkerleriniń erlikteri men batyrlyǵyn nasıhattaýǵa, olardyń Otanǵa degen súıispenshilik pen patrıottyq rýhyn kóterýge, halyqtyń quqyqtyq tártip qyzmetine degen senimin nyǵaıtýǵa jáne Qazaqstan polıtsııasynyń bedelin arttyrýǵa baǵyttalǵan.

Atalǵan sharaǵa Qazaqstan Respýblıkasy ІІM Kadr saıasaty departamenti bastyǵynyń orynbasary polıtsııa polkovnıgi Baqytjan Beıseev, oblys ákiminiń orynbasary Marat Toqjanov, oblystyq PD basshysy Atyǵaı Arystanov, oblys prokýrory Marat Qaıbjanov, UQK ókili Marat Irmenov, ІІO ardagerleri, BAQ ókilderi men elimizdiń ár aýdandarynan kelgen batyr-polıtseıleri qatysty.



QR ІІM Kadr saıasaty departamenti bastyǵynyń orynbasary B.Beıseev óz sózinde qazirgi zaman jaǵdaıynda memleket pen qoǵam polıtsııa qyzmetkerlerine jańa talaptar qoıatynyn, bul rette basty nárse halyqtyń ishki ister organdaryna degen senimi ekenin aıtty.

«Osyny eskere otyryp, biz ýaqyt talaptaryna jaýap beretin qazaqstandyq polıtsııa qyzmetkeriniń jańa kelbetin qalyptastyrý jónindegi jumysty túbegeıli qaıta qurýǵa nıettimiz», - dedi ol.

Baqytjan Halıluly ishki ister organdaryn jańǵyrtý maqsatynda Jol kartasyn iske asyrý aıasynda onlaın – talqylaý úshin portalda polıtsııa qyzmetkerleriniń standarty jarııalanǵany jaıynda atap ótti. Barlyq engizilgen usynystar men tilekter standartty bekitý kezinde eskerilmek.

«Sonymen qatar ishki ister organdarynda júrgizilip jatqan reformalardyń basty sáti retinde polıtsııanyń qoǵammen ózara is-qımyl jasaý tásilderiniń ózgerýin «servıstik modelge« kóshý dep ataýǵa bolady. Biz adam quqyqtarynyń saqtalýyn eskere otyryp, polıtsııa jumysynyń standarttary men algorıtmderin qaıta qarap jatyrmyz. Biz polıtsııanyń ashyq bolǵanyn qalaımyz. Qazir barlyq jerde azamattardy ashyq túrde qabyldaýda 239 front-keńse jumys isteıdi», - dedi polıtsııa polkovnıgi.

«Dóńgelek ústel» sońynda jergilikti atqarýshy organdardyń, kúsh qurylymdary men buqaralyq aqparat quraldarynyń ókilderi QR Іshki ister mınıstri polıtsııa general-leıtenanty Erlan Turǵymbaevtyń atynan alǵys hatpen marapattaldy.



Batyr-polıtseıler Aqtóbe qalasynyń jalpy bilim beretin №21,60,10,40 mektepteri men N.Nazarbaev atyndaǵy zııatkerlik mektebiniń oqýshylarymen kezdesip, olar onda ózderiniń kúndelikti jumysy jáne qyzmet atqarý kezinde qandaı qıyndyqtarǵa tap bolatyny týraly áńgimeledi. Oqýshylarǵa polıtsııa qyzmetkerleri men qutqarýshylardyń adamdardy qutqarý sátteriniń beıne rolıkteri kórsetildi. Sonymen qatar, aktsııaǵa qatysýshylar Alǵa aýdanyna baryp, aýdan ákimimen, oqýshylarmen jáne aýdan halqymen, ardagerlerimen kezdesý ótkizdi. Almaty qalasy Polıtsııa departamentiniń ansambli aýdan turǵyndarynyń aldynda óz ónerlerin kórsetedi.

Aktsııa aıasyndaǵy sharalar 15 qarashaǵa deıin Aqtóbe oblysynda jalǵasady. Onyń barysynda aktsııa qatysýshylary Hromtaý men Temir aýdandarynda oqýshylarmen, oqý oryndarynyń stýdentterimen, ardagerlermen jáne halyqpen kezdesedi. 15 qarasha kúni «Óner ortalyǵy» kontsert zalynda saltanatty is-sharanyń qorytyndy bólimi ótedi. Onda Іshki ister mınıstri atynan marapattaýlar men alǵys hattar tabys etilip, Almaty qalasy Polıtsııa departamenti ansambliniń kontserttik baǵdarlamasy usynylady.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT