+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Polıtsııa qosalqy fýnktsııalardan bas tartýy kerek - Memleket basshysy

2020 jylǵy 29 qazan 15:35
Bólisińiz:
Polıtsııa qosalqy fýnktsııalardan bas tartýy kerek - Memleket basshysy

NUR-SULTAN. QazAqparat - Qazir polıtsııa tikeleı óz mindetterine jatpaıtyn jumystarmen aınalysatyn ýaqyt emes. Bul týraly búgin QR Іshki ister mınıstrliginiń keńeıtilgen alqa májilisinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

Uqsas jańalyqtar
ShQO-da jeńgetaılyqpen aınalysqan 3 adam ustaldy Aqmola oblysynyń 70 jastaǵy turǵyny ulyn taýyp bergen polıtseılerge alǵys bildirdi Qostanaı polıtseıleri Elbasyna arnalǵan kórme buryshyn ashty

Prezıdent ishki ister organdary men azamattardyń ózara qarym-qatynasynda qyzmet kórsetý modelin engizý mańyzdy ekenin, oǵan «polıtsııa qadamdyq qoljetimdilikte» qaǵıdatyn negizge alý kerektigin atap ótti.

«Ýchaskelik ınspektor – belgili bir aýmaqtaǵy qylmysty boldyrmaýda, jergilikti halyqtyń máselelerin sheshýde, qylmystyń tikeleı nemese janamama túrde aldyn alýda, azamattardyń ómir sapasyn arttyrýda basty tulǵa sanalady. Halyqpen ashyq dıalog júrgizý kerek. Olardyń jergilikti polıtsııadan ne kútetinin bilip, kómek kerek kezinde qastarynan tabylýy qajet. Otandastarymyzdyń senimine basqasha ıe bolý múmkin emes», – dedi Qasym-Jomart Toqaev.

Memleket basshysy qurylymdyq ózgeristerdi jalǵastyra berýdi, onsyz qolǵa alǵan reformalardy tabysty júzege asyrý múmkin emes ekenin aıtty. Onyń oıynsha, polıtsııa qosalqy fýnktsııalardan ókinbesten bas tartýy kerek.

«Qazir polıtsııa tikeleı óz mindetterine jatpaıtyn jumystarmen aınalysatyn ýaqyt emes. Bul baǵytta alǵashqy qadam jasaldy. ІІM-niń quramynan tótenshe jaǵdaılar jónindegi qyzmet bólindi. Іshki ister organdary qurylymdaryn odan ári ońtaılandyrý jumystary Quqyq qorǵaý jáne sot júıesin reformalaý jónindegi komıssııanyń sheńberinde júzege asyrylatyn bolady. Biraq bul polıtsııanyń qyzmetin álsiretý degen sóz emes. ІІM jáne onyń qurylymdyq bólimsheleri tártipti qamtamasyz etýde memlekettiń negizgi tirek kúshi bolǵan jáne solaı bola beredi», – dedi Prezıdent.

Aıta keteıik, sharaǵa ІІM qyzmeti men polıtsııanyń aýmaqtyq departamentteriniń basshylary jáne elimizdiń barlyq aımaqtarynyń ýchaskelik ınspektorlary qatysty.

Memleket basshysy jıynǵa deıin ishki ister organdaryna qarasty arnaıy tehnıkalardy qarap shyǵyp, Nur-Sultan qalasy polıtsııa departamenti jedel basqarý ortalyǵynyń qyzmetimen tanysty.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT