Jańalyqtar  >

Polıtsııa izdeýde júrgen býrıat jýrnalısiniń Astanada ustalýyna túsinik berdi

2022 jylǵy 1 qazan, 17:28
Polıtsııa izdeýde júrgen býrıat jýrnalısiniń Astanada ustalýyna túsinik berdi

ASTANA. QazAqparat - Іshki ister mınıstrligi Býrıatııadan kelgen jýrnalıstiń ustalýyna pikir bildirdi, dep habarlaıdy QazAqparat.

Polıtsııa málimetinshe, 30 qyrkúıekte Reseı Federatsııasynyń Qylmystyq kodeksiniń 207-babynyń 1-bóligi boıynsha memleketaralyq izdeýde júrgen Býrıatııa turǵyny Evgenııa Baltatarova ustalǵan.

Іzdeýdiń bastamashysy - RF Býrıatııa Respýblıkasy boıynsha ІІM Ulan-Ýde qalasynyń polıtsıa basqarmasy.

Ustalǵan adam Astana qalasy Saryarqa aýdanynyń polıtsıa bólimine jetkizildi. Onda izdeý bastamashysyna arnalǵan tıisti qujattar jınaqtaldy.

«Kelý sebebin túsindirgennen keıin ol úıine jiberildi. Óıtkeni memleketaralyq izdeý kezinde «eshqaıda shyqpaý týraly qolhat» bultartpaý sharasy bolyp tabylady. Bul shara qamaýǵa alýdy qarastyrmaıdy» dep málim etti polıtsııa.

Sondaı-aq E.Baltatarovaǵa halyqaralyq izdeý (Interpol) jarııalanbaǵanyn atap ótken jón.

Al izdeýshi Reseıdiń quqyq qorǵaý organdaryna izdeýde júrgen adamnyń júrgen jeri týraly habar berildi.

Foto: facebook.com/b.j.stubborn



Tegı:
BAQ   Adam quqyǵy   Reseı   QR ІІM  
Seriktester jańalyqtary

Jańalyqtar