+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Polıtsııa bastyǵy ájethana kúzetpegeni úshin aıyptalǵan muǵalimnen keshirim surady

2019 jylǵy 14 jeltoqsan 18:41
Bólisińiz:
Polıtsııa bastyǵy ájethana kúzetpegeni úshin aıyptalǵan muǵalimnen keshirim surady

TÚRKІSTAN. QazAqparat - Túrkistandaǵy №15 mekteptiń muǵalimin «ájethana kúzetpegeni úshin» ustap áketken qalalyq polıtsııa basqarmasynyń bastyǵy Danııar Meıirhan ustazdan keshirim surady, dep habarlaıdy QazAqparat.

Bul jóninde qala ákimi Rashıd Aıýpov óziniń Facebook paraqshasynda jazdy.

«Túrkistandaǵy №15 mektepte oryn alǵan jaǵdaı barshamyzdy alańdatty. Bul jaǵdaıdy óz baqylaýyma alyp, mán-jaıyn anyqtadyq. Keleńsiz jaǵdaılar oryn alyp jatady. Biraq, ustazdyń orny bólek, árdaıym bedeli bıik. Balalarǵa bilim beretin jandar qashan da bizdiń qoldaýymyz ben qamqorymyzǵa júgine alatynyna senimdi bolýy tıis. Qalalyq ishki ister bóliminiń bastyǵymen birge ustaz aldyna bardyq. Ustaz úıinde polıtsııa basshysy keshirim surady, ustaz keshirimin berdi. Mundaı jaǵdaılar qaıtalanbas úshin barlyq sharalar jasalatynyn habarlaımyz» dep jazdy shahar basshysy.


Eske sala keteıik, Túrkistanda Maǵjan Jumabaev atyndaǵy №15 orta mekteptiń muǵalimi Baqyt Keýkenov «ájethana kúzetpegeni úshin» jazyqty bolǵan edi. 31 jyldyq ótili bar ustazdy qalalyq ishki ister basqarmasynyń bastyǵy, polıtsııa podpolkovnıgi Danııar Meıirhan bastaǵan bir top polıtseı ustap áketken.

Mektep dırektory K. Ábdiqadyrovanyń jazýynsha, muǵalim aıaq kıiminen sý ótken soń sony aýystyrý úshin mektep ǵımaratyna kirgen. Alaıda polıtseıler qarsylyq kórsetkenine qaramastan ustazdyń qolyn qaıyryp, bólimshege áketip qalǵan. Bul jaǵdaıdy sol jerden ótip bara jatqan ustazdar men oqýshylar kórgen. Polıtsııa bolǵan oqıǵa boıynsha arnaıy hattama toltyryp, aıyppul rásimdep, tóletken.



Keıin bul jaǵdaıdy estigen Bilim jáne ǵylym mınıstri Ashat Aımaǵambetov muǵalimge arasha tústi.

foto: facebook.com/rashid.ayupov
Bizdiń kanalymyzǵa jazylyńyz:

Basty sózder: Túrkistan oblysy, Oqıǵa,
Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT