+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Polıtseılerdi attestatsııalaý: Birinshi basshylardyń 60 paıyzy aýysty

2019 jylǵy 11 qarasha 16:49
Bólisińiz:
Polıtseılerdi attestatsııalaý: Birinshi basshylardyń 60 paıyzy aýysty

NUR-SULTAN. QazAqparat – Іshki ister mınıstri Erlan Turǵymbaev polıtseılerdi kezekten tys attestatsııalaýdyń qorytyndysyn jarııalady, dep habarlaıdy QazAqparat tilshisi.

«Memleket basshysynyń Jarlyǵyna sáıkes, 17 qazan men 1 qarasha aralyǵynda ishki ister organdarynyń basshylary kezekten tys attestatsııalaýdan ótti. Basty maqsat – basshylardyń mádenı jáne quqyqtyq saýatyn anyqtaý, azamattarmen jumys júrgizý deńgeıin anyqtaý, servıstik polıtsııaǵa ótý úshin olardyń daıyndyǵyn tekserý, basshylyq quramdy iriktep, kadrlyq rezervti jasaqtaý, qyzmetine saı kelmeıtin basshylardy ornynan bosatý. Attestatsııa kezinde Prezıdent Ákimshiligi basshysynyń ózi tóraǵalyq jasady», - dedi Erlan Turǵymbaev ІІM-de ótken baspasóz máslıhatynda.

Mınıstrdiń aıtýynsha, kezekten tys attestatsııadan komıtet tóraǵalary, departament basshylary, oqý oryndarynyń basshylary jáne olardyń orynbasarlary ótken.

«Attestatsııa ýaqyty sáýir aıynan qazan aıyna ózgergen bolatyn. Osy ýaqyt aralyǵynda sybaılas jemqorlyqqa qarsy saıasat sheńberinde birqatar basshylar aýysty. Qorytyndy boıynsha Birinshi basshylardyń 60 paıyzy aýysty. Barlyǵy - 21 basshy. Ortalyq apparat – 12, oblys basshylary – 9. Olar – Nur-Sultan qalasy, Aqmola, Aqtóbe, Atyraý, Qaraǵandy, Qyzylorda, Pavlodar, SQO oblystaryndaǵy departamentter men Kóliktegi polıtsııa departament basshylary. Sonymen qatar, ortalyq apparattan 15 orynbasar, aımaqtarda bastyqtardyń 25 orynbasary aýysty. Oqý oryndarynyń basshylary 40 paıyzǵa ózgerdi. Onyń tórteýi – birinshi basshylar, altaýy – orynbasarlar», - dedi mınıstr.

Eske sala ketsek, Qazaqstanda polıtsııa qyzmetkerlerin kezekten tys attestattaý 2019 jylǵy 1 qazanda bastalatyny buǵan deıin habarlanǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT