Polıtseıler báteńkeniń ornyna krossovka kıe alady
2022 jylǵy 23 mamyr 15:48

Polıtseıler báteńkeniń ornyna krossovka kıe alady

NUR-SULTAN. QazAqparat – Qazaqstan polıtsııasy jańa jumys kıimine aýysyp jatyr. Mysaly, buryn aıaqtaryna báteńke kıse, qazir «krossovkamen» júrýge ruqsat berilip otyr. QazAqparat tilshisi saqshylardyń jańa formany qalaı qabyldaǵanyn ózderinen surap kórdi.

Іshki ister mınıstrliginiń málimetine sensek, 17 óńirdiń bárinde saqshylar jańa formaǵa aýysyp jatyr. Qazirgi tańda polıtsııa qyzmetkerleriniń 48%-y, ýchaskelik polıtseılerdiń 51%-y jańa formamen jumysqa shyǵyp júr.

«Arnaıy forma jelisi búkil poltsııa qyzmetkerlerine arnalǵan. Bıýdjettiń bólinýine qaraı kezeń-kezeńmen túgel qamtý josparlanyp otyr. Qyzmetine qaraı patrýldik polıtsııaǵa bólek, syrtqy qyzmetterge bólek, ýchaskelik polıtseılerge bólek, basqarý apparatyna bólek dızaın men konstrýktsııa ázirlenedi», - dedi ІІM baspasóz qyzmeti.

Vedomstvo ókilderi bul jolǵy formany jobalaý kezinde naqty bir eldiń tájirıbesine basymdyq bermeýge tyrysqandaryn aıtty. Ár elementi ár túrli eldiń úlgisine uqsatylǵan. Negizgi basymdyq kıimniń qoldanysqa qolaıly, kıip júrýge yńǵaıly bolýyna negizdelgen.

Qyzmetter sanatynan bólek jazǵy, maýsymaralyq, qysqy túrleri dep bólingen jáne «POLISIA» degen jazý jaryq shaǵyldyratyn boıaýmen árlengen. Patrýldik polıtsııa men ýchaskelik ınspektorlardyń, syrtqy qyzmet ókilderiniń qalpaqtar men aıaqkıimderi, ústińgi formaasy árkeli etip jasalǵan.

Saqshylardyń aıaqkiıminiń formasy birinshi ret ózgeriske ushyrap otyr. Úırenshik týflı men báteńkeniń ornyna «krossovka» kııýge ruqsa berilip otyr. Polıtsııa ókilderi jańa formanyń óte yńǵaıly, qoldanysa ıkemdi ekenin aıtady. Jańa aıaqkıim tabanǵa jaqsy jatqanymen qosa býyn shyǵyp, jaraqat alýdan saqtaıtyn kórinedi. Tipti jergilikti polıtsııa ókilderiniń jeńindegi jazýlar da jańasha dızaınmen jazylǵan.

«Jetondar men emblemalar, juldyzdar men kokardalar matadan ádiptelgen. Formanyń tutas sulbasynda jaryq shaǵyldyratyn belgilerdiń bolýyna bas mán berildi.

Polıtsııa ókilderiniń kúndelikti fýrajkasynyń kólemi de kishireıtilgen. Al shalbardaǵy qyzyl tústi jińishke syzyqtyń ornyn alystan kórinetin jalpaq, aqshyl tústi jolaq basty», - dep túsindirdi saqshylar.

Ýchaskelik polıtsııa ókilderine arnap jeke forma ázirlengen eken. Vedomstvodaǵylar onyń iskerlik stılge jaqyndaý biraq qoldanysqa ıkemdi etip jasalǵanyna senimdi. Al baqraý apparatyndaǵy qyzmetkerlerdiń formasyn jobalaý kezinde qatań iskerlik stıl men saltanattyń úndesýine kóńil bólingen. Shyǵyndardy azaıtý úshin polkovnıkterge arnap qarakól eltirisinen tigilip kelgen kıim fragmentteri qoldanystan alynǵan. Al áıel qyzmetkerlerdiń formasy qyzmettik kóılekpen tolyqty.


Jańalyqtar

MURAǴAT