+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Planetany jahandyq jylynýdan qutqara alamyz ba – Álemdik baspasózge sholý

2020 jylǵy 16 aqpan 17:20
Bólisińiz:
Planetany jahandyq jylynýdan qutqara alamyz ba – Álemdik baspasózge sholý

NUR-SULTAN. QazAqparat - «QazAqparat» HAA ádettegideı nazarlaryńyzǵa álemdik baspasózge sholýyn usynady.

Uqsas jańalyqtar
Eljan Birtanov koronavırýstan aıyqqan naýqastar qalaı emdelgenin aıtty Koronavırýstan kóz jumǵan áıelge qatysty tekserý júrgizilip, bas dáriger jazalandy Elimizde jasandy ventılıatsııa apparaty jetkilikti me

Qytaıda medıtsına qyzmetkerleri koronavırýs juqtyra bastady - Lancet

Qytaı sheneýnikteri densaýlyq saqtaý salasynyń qyzmetkerleri týraly baıandama jarııalady. Onda vırýstan qorǵanýǵa qajetti quraldardyń jetispeýshiligi medıtsına qyzmetkerleriniń koronavırýsqa shaldyǵýyna aparyp soǵatyny aıtylǵan, dep jazady Lancet.

Olardyń aıtýynsha, osy kúnge deıin koronavırýsty 1716 maman juqtyryp, 6-aýy kóz jumǵan. Al bir apta buryn bılikke koronavırýs týraly eskertpek bolǵan dáriger Lı Venlıannyń ólimi qoǵamda ashý týǵyzdy.

Qytaıdyń densaýlyq saqtaý vıtse-mınıstri Tszen Isınniń sózinshe, Ýhanda 1102 medıtsına qyzmetkeri, Hýbeıdiń basqa provıntsııalarynda 400 maman koronavırýsqa shaldyqqan. Medıtsına qyzmetkerleriniń arasynda ınfektsııa juqtyrǵandar sany artyp keledi.

«Medıtsına qyzmetkerleriniń jaǵdaıy aýyr. Olardyń jumystary qıyn, demalýǵa múmkindik joq. Psıhologııalyq qysym basym. Vırýs juqtyrý qaýpi de joǵary», - dedi ol.

Jergilikti bılik qyzmetkerlerdi respıratorlyq maskamen, qorǵanatyn kózildiriktermen, arnaıy kıimdermen qamtýǵa tyrysqan. Degenmen, kún ótken saıyn jaǵdaı qıyndap barady.

Qazirgi tańda vırýstan qaza tapqan medqyzmetkerler sany 1600-den asty.

Ulttyq densaýlyq saqtaý komıssııasynyń málimeti boıynsha, Qytaıda ınfektsııa juqtyrǵandardyń jalpy 68 myńnan asty.

Dúnıejúzilik densaýlyq saqtaý uıymy Hýbeıde koronavırýs juqtyrǵandar sany kúrt artqanymen, Qytaı boıynsha jaǵdaı turaqty ekenin aıtty. Al Japonııadaǵy krýız laınerinde vırýsqa shaldyqqandar sany 218-ge jetti.

Amerıkalyqtar onlaın-alaıaqtar kesirinen 201 mln dollardan qaǵylǵan - CNN

Amerıkada onlaın-alaıaqtyq kóz ilespes jyldamdyqpen artyp keledi jáne sonyń kesirinen AQSh azamattary mıllıondaǵan qarjydan qaǵylýda, dep jazady CNN.

Agenttiktiń habarlaýynsha, byltyr amerıkalyqtar onlaın-alaıaqtyq kesirinen 201 mln dollar joǵaltqan. Bul, 2018 jylmen salystyrǵanda 40 paıyzǵa kóp.

«Alaıaqtar kóbine jalǵan akkaýnt ashyp, basqa adamnyń atyn jamylady. Olar aldaıtyn adam turatyn qalada bolmaıdy. Olar ushaq bıleti nemese aýrýhana emi sekildi nárselerge aqy tóletýi múmkin», - delingen maqalada.

Atap ótilgendeı, Amerıkada onlaın-alaıaqtar kóbine Facebook áleýmettik jelisin paıdalanady.

Planetany jahandyq jylynýdan qutqara alamyz ba? - Le Figaro

«Kompanııalar, menedjerler, saılaý kandıdattary. Barlyǵy tabıǵatty qutqarý úshin aǵash otyrǵyzýǵa shaqyrady. Bul durys sheshim bolǵanymen, tıimdi tásil emes», - dep jazady Le Figaro.

Ótken aıda Davos ekonomıkalyq forýmynda AQSh Prezıdenti Donald Tramp ta qorshaǵan ortany qorǵaý úshin trıllıon aǵash otyrǵyzý ıdeıasyn qoldaıtynyn aıtty.

«Maqsat maqtaýǵa turarlyq - parnıktik gazdardyń biri kómirqyshqyl gazyn azaıtý. Bul gaz jahandyq jylynýǵa alyp keletin parnıktik gazdardyń biri. Orman rasymen de bul gazdyń azaıýyna áser etedi. 2018 jyly Klımattyń ózgerýi boıynsha sarapshylardyń úkimetaralyq komıssııasy da orman alqaptaryn kóbeıtý máselesin kótergen edi. Amerıka aýmaǵyna aǵash otyrǵyzý adamnyń óndiristik revolıýtsııa nátıjesinde taraǵan 300 mlrd tonna kómirtektiń 205 mlrd tonnasyn joıa alady», - dep jazady basylym.

Degenmen, mamandar basty problema parnıktik gaz ekenin aıtady.

«Ormandy kóbeıtip, aǵash otyrǵyzý arqyly jahandyq jylyný problemalaryn sheshe almaımyz. Sonymen qatar aǵash otyrǵyzýǵa qajetti topyraq, qajetti aǵash tańdaý máselesin eskerý kerek. Sonymen qatar durys daıyndyq jasalmaǵan aǵash otyrǵyzý jobalary sátsizdikke ushyraıdy», deıdi mamandar.

Olardyń aıtýynsha, 2019 jyly Túrkııada Rejep Taıyp Erdoǵannyń bastamasymen ulttyq aǵash otyrǵyzý kúni jarııalanyp, respýblıkada 11 mln shyrsha egildi. Degenmen, úsh aıdan keıin onyń toqsan paıyzǵa jýyǵy sý jetispeýshiliginen ólip qalǵan.

Álem elderi qorǵanysqa bólingen qarjyny arttyryp jatyr - VVS

2019 jyly álemde qorǵanysqa ketken jahandyq shyǵyn 2018 jylmen sadystyrǵanda 4 paıyzǵa artty, dep jazady VVS. Basylymnyń málimetinshe, bul sońǵy on jyldaǵy eń úlken ósimdi quraıdy.

Mundaı derekti Strategııalyq zertteýlerdiń halyqaralyq ınstıtýty jarııalady.

Eýropada qorǵanys shyǵyny 2018 jylmen salystyrǵanda 4,2 paıyzǵa artqan. Bul shtattar arasynda básekelestiktiń artýyn kórsetedi.

AQSh pen Qytaıda qorǵanys shyǵyny 2019 jyly 6,6 paıyzǵa ósken. Azııada sońǵy on jylda bul kórsetkish elý paıyzǵa artqan.


Bizdiń kanalymyzǵa jazylyńyz:

Basty sózder: Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT