Valıýta baǵamdary:
    usd/kzt 431.41 eur/kzt 452.94

    rub/kzt 6.92 cny/kzt 63.83
Aýa raıy:
Nur-Sultan: 1 °S
Almaty: 15 °S

Pıter Grıffıts Qazaqstannyń avıatsııalyq ákimshiligi basshylyǵynan ketedi

2022 jylǵy 26 qańtar 09:58

NUR-SULTAN. QazAqparat – Pıter Grıffıts «Qazaqstannyń avıatsııalyq ákimshiligi» AQ bas dırektory qyzmetinen ketedi. Bul týraly QR Indýstrııa jáne ınfraqurylymdyq damý mınıstrligi Azamattyq avıatsııa komıtetinen málim etti, dep habarlaıdy QazAqparat tilshisi.

«2021 jylǵy 7 jeltoqsanda berilgen ótinishine sáıkes 2022 jylǵy 7 aqpannan bastap Pıter Grıffıtstiń «Qazaqstannyń avıatsııalyq ákimshiligi« AQ bas dırektory qyzmetindegi ókilettigi óz erkimen toqtatylady.

Pıter Grıffıts «Qazaqstannyń avıatsııalyq ákimshiligi« AQ qurylǵannan beri 2 jyldan astam jumys istedi jáne avıatsııalyq retteýshiniń damýyna úlken úles qosty. Onyń basshylyǵymen azamattyq avıatsııany basqarý boıynsha aldyńǵy qatarly eýropalyq modelge sáıkes avıatsııalyq ákimshiliktiń qalyptasýy ótti. Mundaı tásil Qazaqstanda alǵash ret engizildi jáne TMD elderi arasynda biregeı bolyp tabylady», - dep atap ótedi komıtetten.

2022 jylǵy 7 aqpannan bastap Lında Orledı «Qazaqstannyń avıatsııalyq ákimshiligi» AQ bas dırektory mindetin ýaqytsha atqaratyn bolady. Ol 2019 jylǵy jeltoqsannan bastap Bas dırektordyń birinshi orynbasary, ushý qaýipsizdiginiń bastyǵy qyzmetin atqaryp keldi.

Vedomstvo málimetinshe. 2021 jylǵy 2-11 tamyz aralyǵynda ushý qaýipsizdigi boıynsha IKAO-nyń Úılestirilgen valıdatsııalyq mıssııasy (ICVM) aıasynda IKAO aýdıtorlarynyń salany táýelsiz tekserý qorytyndylary boıynsha Qazaqstan IKAO standarttaryna sáıkestiktiń ortasha álemdik deńgeıinen 15 paıyzǵa asyp, 84 paıyzǵa jetti.


Avtor:

Marlan Jıembaı

Novostı po teme