+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Pıter Grıffıts «Bek Air» áýe kompanııasynyń bolashaǵy qalaı bolatynyn aıtty

2020 jylǵy 24 qańtar 18:32
Bólisińiz:
Pıter Grıffıts «Bek Air» áýe kompanııasynyń bolashaǵy qalaı bolatynyn aıtty

NUR-SULTAN. QazAqparat – Bul týraly «Bek Air» áýe kompanııasynyń qyzmetin tekserý barysynda anyqtalǵan kemshilikterge qatysty suraqtar boıynsha elordada ótken brıfıngte «Qazaqstannyń avıatsııalyq ákimshiligi» AQ Bas dırektory Pıter Grıffıts aıtty, dep habarlaıdy QazAqparat tilshisi.

«Bek Air» áýe kompanııasynyń taǵdyry «Bek Air»-diń qolynda. Loýkoster (low cost – tómen baǵa - basty maqsaty shyǵyndardy azaıtyp, ushý baǵasyn tómendetý - avtor) jumys isteý úshin basty úsh nárseni eskerý kerek: tolyǵymen jańa qurylǵy ornatý, áýe bıletterin satýdyń jańa ádisin oılap tabý jáne ushaq qaýipsizdigine tolyǵymen jaýap beretin qyzmetkerler alý. Kez kelgen memlekettiń avıatsııa salasynda retteýshisi bolady. Ol ushaq bortyndaǵy ár jolaýshynyń qaýipsizdigne jaýap beredi. «Bek Air»-ge árqaısysymyzdyń «Olar jumys isteı alady» degen qujat túrindegi qoldaýymyzdy qajet etedi», - deıdi Pıter Grıffıts.

Ol uıymyndaǵy ár ınspektor ushaqty teksergen kezdegi qorytyndyǵa qol qoıýlary kerek ekenin aıtty.

«Avıatsııalyq ınspektorlarǵa qatysty meniń halyqaralyq dárejede bedelim bar. Ushaq ushqan kezde qaýipsizdikpen tolyq qamtylǵanyna kóz jetkizip alýymyz kerek. Oqıǵa bolǵaly maǵan bir de bir adam habarlasyp, «Bek Air»-di qaıtarý kerektigin aıtqan joq. Sol sebepti «Bek Air» halyqaralyq erejelerge saı jumys isteýge daıyn bolsa – men «Bek Air»-di basqa da talapqa saı áýe kompanııalaryndaı qabyldaımyn. Biraq «Bek Air» avıatsııalyq qaýipsizdikti birinshi orynǵa qoıýy kerek. Olaı bolmaǵan jaǵdaıdy eshqaısysymyz oǵan ushýǵa ruqsat etetin qujatqa qol qoımaımyz», - deıdi ol.

Bas dırektor halyqaralyq ınspektorlar kómektesý úshin júrgenderin aıtty.

«Qazaqstannyń keń-baıtaq jeri bar memleket. Aýmaǵynyń úlkendigi sondaı – ushaqty qajet etedi. Sizder ushaq bıletiniń baǵasy arzan, qoljetimdi bolýyn qaladyńyzdar. «Qazaqstannyń avıatsııalyq ákimshiligi» qazaqstandyq áýe kompanııalarmen sizderdiń osy qalaýlaryńyzdy oryndaý úshin, qazaqstandyq jolaýshylar da ózge memleketterdegi jolaýshylar qoldanatyn mehanızmderdi qoldanatyndaı etý úshin jumys isteıdi. «Bek Air» osy protsestiń bólshegi bolǵysy keletin-kelmeıtinin oılanýy kerek. Ol jolaýshylaryna qurmetpen qaraýǵa daıyn eken, ushqan kezde qaýipsizdikpen qamtamasyz ete alatynyn dáleldegenshe eshteńe de ózgermeıdi. Degenmen, biz olarǵa qyzmet sapasyn arttyratynyn dáleldeýge múmkindik beremiz.

Jumys aıaqtalǵan kezde ol qalaı jaýap bergenin bilemiz. Men qazaqstandyq azamattardan aıyrylyp qalýǵa sebepshi bolatyn taǵy bir áýe apaty bolýyna jol bermeıtinim anyq. Osyndaı olqylyqtarǵa jol bergen kez kelgen áýe kompanııasy «Qazaqstannyń avıatsııalyq ákimshiligi» tarapynan qatań tekseriledi. Meniń uıymymdaǵy qyzmetkerler ushý talaptaryna saı kelmeıtin áýe kompanııasynyń ushaqtarynyń ushýyna jol berse – mán-jaıdy eń qatań jolmen sheshetin bolamyn. Bul talaptar oryndalmaı jatqanyn túsingen bolsańyz, osy sózderimdi esime salýǵa bolady», - deıdi «Qazaqstannyń avıatsııalyq ákimshiligi» AQ Bas dırektory.

Almaty áýejaıy mańyna qulaǵan «Bek Air» ushaǵyna qatysty málimetterdi myna jerden bilýge bolady.



Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT