PISA halyqaralyq zertteýiniń alǵashqy nátıjeleri jarııalandy
2022 jylǵy 5 shilde 16:01

PISA halyqaralyq zertteýiniń alǵashqy nátıjeleri jarııalandy

NUR-SULTAN. QazAqparat – «Aqparattyq-saraptamalyq ortalyq» AQ basqarma tóraǵasy Maǵjan Amanǵazy PISA halyqaralyq zertteýiniń alǵashqy nátıjelerin jarııa etti, dep habarlaıdy QazAqparat tilshisi.

«Aqparattyq-saraptamalyq ortalyǵy 2021 jyly Ekonomıkalyq yntymaqtastyq jáne damý uıymymen birlesip, Qazaqstanda mektepterge arnalǵan PISA halyqaralyq zertteýin ótkizdi. Bıyl osy zertteýdiń alǵashqy nátıjelerin anyqtap otyrmyz. Bul zertteýdiń barshaǵa tanys ádettegi PISA-dan aıyrmashylyǵy - test nátıjeleri tek memlekettik deńgeıde ǵana emes, ár qatysqan mektep, kolledj boıynsha esepteledi. Jalpy alǵanda zertteý 2011 jyldan beri ótkiziledi jáne oǵan álemniń 14 eli qatysýda. Qazaqstan 2021 jylǵy zertteýdiń valıdatsııalyq kezeńinen sátti ótti», - dedi ol Oqý-aǵartý mınıstrliginiń apparat jınalysynda.

Onyń atap ótýinshe, zertteýge elimizden 200 mektep pen kolledj qatysqan. Zertteý qorytyndysy boıynsha 64 jeke jáne 45 toptyq esep daıyndalady. Sonymen qatar jalpy eldik nátıje boıynsha ortaq saraptamalyq esep ázirlenedi.

«2018 jylmen salystyrǵanda zertteýdiń barlyq úsh baǵyty boıynsha oń dınamıka baıqap otyrmyz. Atap aıtqanda oqý saýattylyǵy boıynsha nátıje - 30, matematıka boıynsha - 24 jáne jaratylystaný boıynsha 11 ballǵa ósken. fýnktsıonaldyq saýattylyǵy tómen bilim alýshylardyń úlesi 2018 jylmen salystyrǵanda aıtarlyqtaı tómendedi. ıAǵnı, oqý saýattylyǵy boıynsha ekinshi deńgeıden tómen nátıje kórsetken bilim alýshylardyń úlesi 18,8, matematıka boıynsha 10,2 jáne jaratylystaný boıynsha 2,2 paıyzǵa tómendep otyr», - dedi ol.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT