PIK-ter taǵy bir jyl jumys isteıdi - Májilis Senattyń túzetýlerimen kelisti
2022 jylǵy 22 maýsym 10:58

PIK-ter taǵy bir jyl jumys isteıdi - Májilis Senattyń túzetýlerimen kelisti

NUR-SULTAN. QazAqparat –Májilis energııa únemdeý týraly zań jobasyna Senat engizgen ózgeristerdi qabyldady, dep habarlaıdy QazAqparat tilshisi.

Májiliste «Qazaqstan Respýblıkasynyń keıbir zańnamalyq aktilerine elektr energetıkasy, energııa únemdeý jáne energııa tıimdiligin arttyrý, jer qoınaýyn paıdalaný, jergilikti memlekettik basqarý jáne memlekettik shekara máseleleri boıynsha ózgerister men tolyqtyrýlar engizý týraly» QR Zańynyń jobasyna Senat engizgen ózgerister men tolyqtyrýlardy qarady. Qujatqa engizilgen ózgiresterdi Ekologııa máseleleri jáne tabıǵat paıdalaný komıtetiniń múshesi, depýtat Dúısenbaı Turǵanov tanystyrdy.

Aıta ketý kerek, atalmysh qujatta páter ıeleri kooperatıvteri (PIK) men kondomınýımdardyń ornyna múlik ıeleri birlestikterin (MIB) nemese jaı seriktestikterdi (JS) engizý protsedýrasyn 2023 jylǵy 1 shildege deıin qaldyrý jóninde usynys ta bar.

Atalǵan ózgerister men tolyqtyrýlar engizilgen qaýlyny Májilis depýtattary biraýyzdan qabyldady.

Sondaı-aq palata tóraǵasy Erlan Qoshanov Úkimetke Májiliste qaralmaǵan keıbir normalardy Senatqa aparyp, qaıta alyp kelýdi doǵarý kerektigin eskertti.

Eske salsaq, buǵan deıin Senat energııa únemdeý týraly zań jobasyn Májiliske keri qaıtarǵan bolatyn. Onyń aldynda Májilis depýtaty Ekaterına Smyshlıaeva PIK-ter qyzmetiniń bıylǵy 1 shildeden bastap toqtaýy máselesin kótergen bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT