Pfizer jáne Biotech kompanııalary «Omıkron» shtamymen kúresetin vaktsına shyǵarýy múmkin
2021 jylǵy 28 qarasha 17:50

Pfizer jáne Biotech kompanııalary «Omıkron» shtamymen kúresetin vaktsına shyǵarýy múmkin

NUR-SULTAN. QazAqparat - Vaktsına shyǵaratyn birneshe farmatsevtıkalyq korporatsııa «Omıkrondy» zertteýge kiriskenderin jáne qajet bolǵan jaǵdaıda óz preparattaryn túrlendirýge daıyn ekenin málimdedi, dep habarlaıdy QazAqparat VVS-ge silteme jasap.

Pfizer jáne Biotech kompanııalary jańa shtamm olardyń vaktsınalaryna tózimdi bolsa, olar «shamamen 100 kún ishinde osy nusqaǵa qarsy arnaıy beıimdelgen vaktsına jasaýǵa jáne shyǵarýǵa» daıyn ekenin aıtty.

«Spýtnık V» jasap shyǵarǵan Gamaleı atyndaǵy Máskeý ortalyǵynyń basshysy Aleksandr Gıntsbýrg Interfaksqa reseılik ǵalymdar vaktsınalaryn jańa nusqaǵa beıimdeýge daıyn ekenin aıtty. Onyń aıtýynsha, aldymen ortalyq osy mýtatsııa úshin burynnan bar preparattyń tıimdiligin tekseredi.
«Ondaı modıfıkatsııa jasaýǵa bolady. Vaktsınany túlendirý tez bolady, biraq onyń qajet ekenin vırýsty beıtaraptandyrý qabiletin anyqtaǵannan keıin bile alamyz», - dedi ol.
Sondaı-aq, Gıntsbýrg Gamaleı atyndaǵy ortalyq «Delta» nusqasy shyqqannan keıin «Spýtnık V» vaktsınasyn túrlendirmegenin eske saldy. Sebebi, ekpe «83-85-90%-ǵa» tıimdi bolyp shyqty.
Taǵy bir vaktsına óndirýshi - Moderna fırmasy bylaı dedi: «2021 jyldyń basynan bastap Moderna-nyń jańa shtammdarǵa baǵyttalǵan muqııat oılastyrylǵan strategııasy bar.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.


Uqsas jańalyqtar

Jańalyqtar

Úrdis

MURAǴAT