Petropavldyń ataýyn ózgertý kún tártibinde turǵan másele emes – ákim
2022 jylǵy 29 maýsym 17:33

Petropavldyń ataýyn ózgertý kún tártibinde turǵan másele emes – ákim

NUR-SULTAN. QazAqparat –Soltústik Qazaqstan oblysynyń ákimi Qumar Aqsaqalov Pteropavl qalasynyń ataýyn ózgertý máselesi týraly pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide ákim Qumar Aqsaqalovqa BAQ ókilderi oblys ortalyǵynyń ataýyn Qyzyljar dep ózgertý múmkindigi týraly suraq qoıdy.

«Ázirshe bul másele kún tártibinde turǵan joq. Buǵan deıin de mundaı suraqtarǵa jaýap bergen bolatynmyn»,- degen óńir basshysy óńirdegi eldi mekender men kóshelerdi qaıta ataý týraly paıymyn aıtty.

«Bul jumystar buǵan deıin atqarylyp keldi, jalǵasa beredi. Keıingi jyldary biz 400 myń nysandy qaıta atadyq. Bul jumys jalǵasady, óıtkeni moraldik turǵyda eskirgen, eshqandaı ıdeologııalyq salmaǵy joq eski ataýlar bar», - dedi oblys ákimi.

Sondaı-aq ol bul baǵyttaǵy jumystar tolyǵymen zańǵa saı ekenin eske saldy.

«Bul jerde eshqandaı kiltıpan joq. Bul – tarıhshylardyń, ólketanýshylardyń zertteýlerine negizdelgen tarıhı shyndyq. Qoǵamdyq tyńdaý ótip, bári zań aıasynda istelip jatyr», - dedi Qumar Aqsaqalov.


Uqsas jańalyqtar
Fýtboldan Konferentsııa lıgasynda Qyzyljar APOEL komandasynan jeńildi
2022 jylǵy 5 tamyz 01:13

Fýtboldan Konferentsııa lıgasynda Qyzyljar APOEL komandasynan jeńildi

NUR-SULTAN. QazAqparat - Fýtboldan UEFA Konferentsııa lıgasy úshinshi irikteý satysynda petropavldyq «Qyzyljar» komandasy alǵashqy oıynyn ótkizdi, dep habarlaıdy QazAqparat tilshisi.

Qazaqstandyq klýb syrt alańda Kıprdiń APOEL komandasymen kezdesti. Atalǵan ujym eýrokýbok oıyndaryna biraz jyldan beri qatysyp keledi. Chempıondar lıgasy jáne Eýropa lıgasy toptyq kezeńderinde azýly qarsylastarymen synǵa túsken. Sondyqtan «Qyzyljar» úshin atalǵan kezdesý ońaı soqpaǵany belgili edi.

Alǵashqy mınýttan APOEL oıyn tziginin qolǵa ustady. Shabýyl shebinde kóbirek boı kórsetti. Petropavldyq klýb fýtbolshylary negizinen qorǵanysqa kóńil bóldi.

Soǵan qaramastan kıprlik komanda sapynan Georgıos Efrem 27-mınýtta «Qyzyljar» qaqpasyna gol soǵyp ketti. Budan keıin APOEL gol soǵatyn birneshe múmkindigin qur jiberip aldy.

Ekinshi kezeńde kıprlik komanda esepti ulǵaıtý jolyn qarastyrdy. Alaıda tablodaǵy esep ózgergen joq.

«Qyzyljar» qarsylasyna 0:1 esebimen jol berdi.

Endi qarymta kezdesý 11 tamyzda Nur-Sultan qalasynda ótedi.

Aıta ketsek, búgin taǵy bir kezdesýde Qostanaıdyń «Tobyly» syrt alańda Bosnııa jáne Gertsogovınanyń «Zrınskı» klýbymen oınaıdy. Kezdesý elorda ýaqytymen 01:00-de bastalyp, «Qazsport» telearnasynan tikeleı efırde kórsetiledi.

Eske salsaq, budan buryn Konferentsııa lıgasy ekinshi irikteý satysynda «Astana» jáne «Qaırat» jarys jolynan shyǵyp qaldy .



Jańalyqtar

Úrdis

MURAǴAT