+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Petropavldyq restoratorlar dárigerlerdi tegin túski aspen qamtamasyz etip jatyr

2020 jylǵy 27 naýryz 03:18
Bólisińiz:
Petropavldyq restoratorlar dárigerlerdi tegin túski aspen qamtamasyz etip jatyr

PETROPAVL. QazAqparat – Petropavldyń restoratorlary Jedel járdem qyzmetiniń mamandaryna qıyn kezde qoldaý kórsetip, túski asty olarǵa kúndelikti tegin jetkizip jatyr, dep habarlaıdy QazAqparat tilshisi.

Uqsas jańalyqtar
Pavlodar oblysynda 1-4 synyptarǵa tegin ystyq tamaq beriledi

Petropavldyń restoratorlary respýblıkalyq #dárigerlerdiqolda chellendjine at salysyp jatyr. «SQO restoratorlar men otelerler qaýymdastyǵy» QU tóraǵasy Saıran Hamzın bul jaıynda áleýmettik jelidegi paraqshasynda jarııalady.

«Biz búginnen bastap #dárigerlerdiqolda chellendjine qatysyp jatyrmyz. Koronavırýspen kúreste aldyńǵy shepte júrgen, 24/7 rejiminde jumys isteıtin Jedel járdem qyzmetiniń barlyq dárigerlerine tegin ystyq tamaq jetkizetin bolamyz. Meniń áriptesterimniń bul azǵantaı ǵana kómegi ınfektsııany qalamyzda, elimizde jáne álemde jeńetin kúndi jaqyndatsyn. Bizge qoldaý bildirgen «Tsentr plova», «Hýtorok», «Piccolino», «Tbılısı», «Besbarmak» jáne «Tengrı» qoǵamdyq tamaqtaný oryndary men dámhana-meıramhanalaryna alǵysymdy bildiremin», - dep jazdy Saıran Hamzın.

Petropavldaǵy Jedel járdem qyzmetine kúndelikti 60 adam kezekshilikke túsedi. «SQO restoratorlar men otelerler qaýymdastyǵy» QU atqarýshy dırektory Andreı Frolovtyń aıtýynsha, búgin dárigerlerge túski asty «Kompot» ashanasy jetkizdi.

«Dárigerlerdiń túski asy saǵat 16.00 shamasyna josparlanǵan. Biz búgin osy ýaqytqa qýyrdaq pen tandyr nan jetkizdik. Olar úshin bul kútpegen syı boldy, tańdanystaryn da jasyrmady. Alǵystaryn bildirdi. Dárigerler úılerinen ákelgen tamaqtaryn ishedi eken. Keıbiriniń aýqattanýǵa da ýaqyty tapshy. Jedel járdem qyzmetkerlerine qazir aýyr salmaq túsken. Óıtkeni, turǵyndar dene qyzýy 37 gradýstan kóterilgen jaǵdaıda birden mamandardy shaqyrýǵa mindetti», - deıdi Andreı Frolov.

Ázirshe qaıyrymdylyq aktsııasyna alty kásipker qatysýǵa tilek bildirgen. Olar kezekpen dárigerlerge túski as jetkizetin bolady. Máselen erteń «Tsentr plova» palaýyn ákelse, kelesi kúni «Hýtorok» dámhanasy medıtsına qyzmetkerlerin ýkraınnyń ulttyq taǵamynan dám tatyrmaq.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT