+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Petropavldaǵy kórmede Shyńǵys han urpaǵynyń tolyq geneologııalyq kartasy qoıyldy

2020 jylǵy 10 naýryz 15:51
Bólisińiz:
Petropavldaǵy kórmede Shyńǵys han urpaǵynyń tolyq geneologııalyq kartasy qoıyldy

PETROPAVL. QazAqparat – Petropavlda «Altyn Orda: ǵasyrlar úndesýi» atty kitap kórmesi jumysyn bastady, dep habarlaıdy QazAqparat tilshisi.

Kórmede Shyńǵys han urpaǵynyń tolyq geneologııalyq kartasy da usynyldy. Onda 4 myńnan astam hannyń aty jazylǵan.

Kitap kórmesi oblystyq Sábıt Muqanov atyndaǵy ǵylymı-ámbebap kitaphanada ashyldy. Úsh bólimnen turatyn ekspozıtsııada Altyn Ordanyń tarıhy, handary jáne mádenı murasymen tanysýǵa bolady. Oqyrman nazaryna 100-den astam kitap pen jýrnal usynylǵan.


«Kórmedegi eń qundy kitaptyń biri - Vladımır Tızengaýzenniń eńbekteri. Ol parsy jáne arab tarıhshylarynyń Ortalyq Azııa jáne Qazaqstan týraly zertteýin jınaqtap, 1884 jyly Reseıde basyp shyǵardy. 2005-2006 jyldary tolyqtyrylyp, qaıta jaryq kórdi. Qazaqstannyń Túrkistan, Syǵanaq, Taraz jáne t.b. qalalary týraly tarıhı-geografııalyq materıaldar, Altyn Orda halqynyń áleýmettik, etnıkalyq jáne saıası ómiri týraly málimet bar. Kórmege birinshi jáne tórtinshi tomy qoıyldy. Ol tarıhshylar, stýdentter, shyǵystanýshylar jáne qalyń oqyrman úshin qyzyqty bolmaq», - deıdi kitaphanashy Ásel Shaıhıslamova.


Reseılik professor, shyǵystanýshy Tursyn Sultanovtyń «Jetinshi sóz» atty kitaptar toptamasyn da kórmeden tabýǵa bolady. Shyńǵys hannyń, Batý, Joshynyń jáne basqa handardyń ómirbaıany, Altyn Ordadan qalǵan Qazaqstan aýmaǵynda ornalasqan sáýlet eskertkishteri jaıynda da mol maǵlumat bar.

Kitaptar kórmesi jyl sońyna deıin jumys istemek.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT