Petropavlda jumysynan shyǵyp, iz-túzsiz ketken er adam úsh kúnnen beri tabylmaı jatyr
2021 jylǵy 21 qarasha 23:10

Petropavlda jumysynan shyǵyp, iz-túzsiz ketken er adam úsh kúnnen beri tabylmaı jatyr

PETROPAVL. QazAqparat – Petropavlda jumysynan shyqqan er adam úıine jetpedi. Habar-osharsyz ketken Ivan Raıterge izdeý jarııalandy, dep habarlaıdy QazAqparat tilshisi.

Petropavldyń turǵyny Ivan Raıter bir aptadan keıin 63 jasqa tolady. 18 qarasha kúni «Ýıýt» saýda úıi mańyndaǵy jumysynan shyqqan ol Jumysshy kentindegi úıine jetpegen.

Óńir volonterleri habarsyz ketken er adamǵa áleýmettik jeli arqyly izdeý jarııalady.

Ivan Raıterdiń boıy shamamen 165-170 sm shamasynda. Qoı kózdi, shashy aqshyl-sary, erni qoıan jyryq, túsiniksiz sóıleıdi.

Sol kúni ústinde uzyn sur bolonıa kúrteshe, qara toqyma bas kıim jáne aıaǵynda qońyr tústi báteńke bolǵan.

Ózimen birge uıaly telefony jáne jeke kýáligi bolýy kerek.

Joǵalǵan adamdy kórgen-bilgender bolsa 8 777 307 99 65, 7 926 626 64 33 nemese 102 nómirine habarlasa alady.

Buǵan deıin astanaǵa ketken 39 jastaǵy petropavldyq Anton Regnerdiń tabylmaı jatqanyn aıtqan edik.

Er adam sońǵy ret 15 qarasha kúni «Nur-Sultan-1» temirjol vokzalynan habarlasqan.

Jańalyqtar

MURAǴAT