+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Petropavlda úndi mádenıetiniń aptalyǵy ótip jatyr

2019 jylǵy 21 qarasha 14:46
Bólisińiz:
Petropavlda úndi mádenıetiniń aptalyǵy ótip jatyr

PETROPAVL. QazAqparat – Soltústik Qazaqstan oblysynda Úndistannyń 140 jas azamaty bilim alyp jatyr. Sheteldik jastar úndi mádenıetiniń aptalyǵy aıasynda ózderiniń salt-dástúri men ulttyq taǵamdarynan habardar etti, dep habarlaıdy QazAqparat tilshisi.

M.Qozybaev atyndaǵy Soltústik Qazaqstan memlekettik ýnıversıtetinde Qazaqstan halqy Assambleıasynyń 25 jyldyq mereıtoıyna oraı aı saıyn etnomádenı ortalyqtardyń aptalyqtary uıymdastyrylyp keledi. Buǵan deıin joǵary oqý ornynda qazaq, orys, tatar, nemis ulttarynyń kúnderi ótti. Al úndi mádenıetiniń aptalyǵy qazan aıynyń sońynda Dıvalı merekesin toılaýdan bastalǵan. Ot festıvali – Úndistandaǵy negizgi merekelerdiń sanatynda.

Bul joly sheteldik jastar túrli-tústi sarılerin kıip, úndi kınolarynan jaqsy tanys dástúrli án-bılerin kórsetti. Ulttyq taǵamdarynyń erekshelikterimen tanystyryp, merekege kelgenderge dám tattyrdy.

«Balýsh ahı, Palaý, Barfı sekildi barlyǵy 8 túrli ulttyq taǵamymyzdy pisirip ákeldik. Ár ulttyń ashanasynyń óz erekshelikteri bar ǵoı. Bizdiń elde túrli dámdeýishterdi kóp qosady. Jalpy mádenıetimiz óte baı. Búgin sonyń azǵantaı ǵana bir bólshegin kórsettik», - deıdi SQO-ǵa bilim alýǵa kelgen Pýshpesh Sharma.


Úndi mádenıetiniń aptalyǵy aıasynda oqý ornynda túrli is-shara josparlanǵan.

«Sońǵy jyldary ýnıversıtette sheteldik stýdentter kóp oqyp jatyr. Mundaı is-sharalardy ótkizýdegi maqsat – jastardyń tez beıimdelýine jaǵdaı jasaý, psıhologııalyq kedergini joıý. Jáne árıne, basqa ulttardyń mádenıetimen tanystyrý. Úndi mádenıetiniń aptalyǵy aıasynda halyqtyń dini, salt-dástúri jaıynda úsh tilde túrli lektsııalar ótedi», - deıdi Qazaqstan halqy Assambleıasy kafedrasynyń meńgerýshisi Lıýdmıla Grıvennaıa.

Ýnıversıtette byltyr ashylǵan Joǵary medıtsına mektebinde qazir Úndistannan kelgen 140 stýdent bilim alyp jatyr.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT